Paradisus anime intelligentis (Pr. 2)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

2. Florentius von Utrecht.

De adventu domini.


par009_20_     II. 'Benedictus qui venit in nomine domini'. 'her ist gebenedigit der da
par009_21_ cumit in deme namen des herren'. he ist gebenedigit in sime wesine, daz he
par009_22_ inphangin hait von sinem vadere in der ewekeit. he ist gebenedigit in der zit
par009_23_ in deme wesine daz he inphangin hait von siner muoder libe. he ist ouch
par009_24_ gebenedigit in sinen gabin und gnadin, di her uns gibit. sent Augustinus
par009_25_ sprichit [7r]: 'der vadir und der son und der heilegeist di sint ein in der nature
par009_26_ und in deme wesine und sin daz obirste guit', alse wir sprechin mit dem munde
par009_27_ und geloubin in disime lebine und sullin bekennen in deme ewegin lebine.
par009_28_ sent Augustinus und sente Ambrosius di sprechin daz ein persone ist in der
par009_29_ anderen, der vadir in deme sone und in deme helegen geist und der son in deme
par009_30_ vadere und in deme heilegen geist und der heilege geist in deme vadere und in
par009_31_ deme sone, und ist dise einunge so groiz daz kein grozir gesin inmac. sint dan
par009_32_ daz di dri personen ein sint in deme gotlichen wesine, wie mac daz gesin daz
par009_33_ di persone des sones menschliche nature hait an sich genummen und nicht der
par009_34_ vadir oder der heilegeist? respondeo: alleine der son daz selbe ist daz der vadir
par009_35_ ist, he in ist doch nicht di der vader ist, daz ist persone. Johannes und her
par009_36_ sint wol glich, wan si habint eine menscheit, si in sint abir nicht glich an den
par009_37_ personen, wan der eine mac wol etwaz habin an siner personen, alse groze und
par010__1_ varwe, daz der ander nicht inhait. der son ist daz der vader ist, in deme
par010__2_ wesine, he inist doch nicht di di der vader ist, an der personen. wan he ist
par010__3_ ein andir an der personen dan der vadir, wan der son enist nicht vadir. hette
par010__4_ der son di menscheit an sich genomen in deme daz her Got ist oder nature
par010__5_ oder wesin, so were der vader und der helegeist also wol mensche worden alse
par010__6_ der son. mer wan he di menscheit an sich nam alse her di ist, daz ist persone,
par010__7_ so mochte her ein icliche nature an sich han genomen an den vader und an
par010__8_ den heilegen geist.
par010__9_     'Benedictus qui venit'. wan Got fol barmeherzikeit ist, so fugite ur daz
par010_10_ wol daz her einer iclichen creature also vile gebe alse si ir ummir inphahin
par010_11_ mochte, und noch deme daz der mensche in di sunde gefil, so was her alle zit
par010_12_ da zu gefugit daz her irlosit mochte [7v] werdin, wan auch Got den menschen
par010_13_ fol machit hatte in siner nature, daz her nicht me inphain mochte. hette he
par010_14_ ume icht me gegebin, so were he da uz gevallin, daz he nicht were ein mensche
par010_15_ gewest, wan di meistere sprechin daz der mensche von naturen da zu gemachit
par010_16_ ist daz he Got bekenne und minne und sin ewecliche gebruche, und daz ume
par010_17_ daz naturlich si, daz bewisit man himide. in deme beginne alse der sunder
par010_18_ gnade inpheit, daz enist nicht wonder oder zechin, wan her von nature zu
par010_19_ gnadin gefugit ist: daz ist ein zeichin daz ein blinder sehinde wirt, wan der
par010_20_ enist nicht me gefugit zu deme gesichte. abir wan der mensche von nature
par010_21_ zu der gnade gefugit ist, daz hait her da fon daz her daz bilde Godis an sich
par010_22_ hait. und darumme fugite daz sinir barmeherzikeit, alse her un folmachit hatte
par010_23_ in der nature, daz her un auch folmachite in der gnade.
par010_24_     Ez fugite ouch siner gerechtikeit, wan gotlich gerechtikeit hait daz
par010_25_ gestetigit daz sunde muz gebezzerit werden; und du al menslich kunne Godis
par010_26_ vigint waz, so inmochte der mensche nicht gebezzerin. wer bezzerin solde, der
par010_27_ muiste ein mitteler sin schussin Gode und dem menschen, also daz he were
par010_28_ fruont Godis und des menschen, und kein mensche waz daz Godis frunt were.
par010_29_ dar umme fugite he daz siner gerechtikeit daz der queme di beide frunt were
par010_30_ des menschen, daz he mit siner heilegen menscheit wolde bezzerin for di suonde
par010_31_ und frunt Godis were, daz her gebezzerin mochte, wan her Got was. ez in-
par010_32_ mochte ouch kein creature gebezzerin, wan ein iclich creature Gode pflichtit
par010_33_ was und ist allis des si ist und formac. und wo mide dan? sente Bernhart:
par010_34_ 'libe herre, waz getun ich daz ich dir gedanke? allis das ich formac, des bin
par010_35_ ich dir pflichtit und schuldic umme daz alleine daz du mich geschaffin haist.
par010_36_ wo mide sal [8r] ich dan dir des dankin daz du mich widir gemachit haist?'
par010_37_ solde ein mensche tusint jar lebin, he in mochte Gode nummir follindankin daz
par010_38_ he in geschaffin hait. ez fugite ouch siner gerechtikeit hirumme, wan he herin
par011__1_ Adammen unsterplich hatte gemachit, di wile her stunt in siner unschult; und
par011__2_ daz hatte he ubirnaturlichen; und du he in di sunde gefiel, solde he wider uf
par011__3_ stein, des in formochte he nicht fon siner nature, wan iz waz pobin sin nature.
par011__4_ wan kein dinc inmac werdin irhabin pobin sin nature wan fon deme der di
par011__5_ nature geschaffin hait.
par011__6_     Ez fugite ouch siner wisheit daz he selbir fonde di allir beisten wise zu
par011__7_ erlosine den menschen. hette he daz keiner creature gegebin daz si erloist
par011__8_ hette den menschen, so inwere der mensche nummir follin selic wordin. hette
par011__9_ in ein engil irloist, so hette der mensche ummer me darumme deme engele zu
par011_10_ dankene gehait und inwere ime nicht glich gewest, wan Christus sprichit in
par011_11_ deme ewangelio: 'di lude sullint werdin alse di engele Godis'.
par011_12_     Warumme ouch Godis son den menschen irloist habe und nicht den engil,
par011_13_ da sint file rede und sage fon. eine ist: wan der engil ein fol licht hatte und
par011_14_ zu male mit ein andir und ane mittil bekante, darumme waiz her minner zu
par011_15_ inschuldigine wan der mensche, des bekentnisse dinstere waz, alse daz her ein
par011_16_ noch deme anderen muoiste bekennen, nu dit nu daz, und radis bedorfte. di
par011_17_ nature sinez willin was auch also daz her frie ist, und waz alse daz her kisin
par011_18_ mochte. aber alse her gekorin hait, so steit sin wille und ist also gestedigit
par011_19_ daz her nummir dar abe gekeren noch ein andir gekisin mac. hirumme du her
par011_20_ sich da zu korte daz he Gode glich wolde sin, du wart he nidir geslagin in di
par011_21_ helle und inmochte nummirme wider gekerin. abir des menschen wille mac
par011_22_ kisin. alse her geborin hait, dar noch mac he da [8v] fone kerin und abir ein
par011_23_ andir kisin, also daz der engil sinen willin mac kerin for und nicht noch und
par011_24_ der mensche beide for und noch. du her Adam di sunde geteit, du enwas kein
par011_25_ mensche dan noch dan her und Eva, und hette in Got fortumit, so were al
par011_26_ menslich geslechte forlorn daz fon ieme kumen solde, und daz in hette siner
par011_27_ gerechtikeit nicht gefugit daz der arme mensche fortumit were gewest e dan her
par011_28_ geborin were. abir di engile warin alle mit ein geschaffin. wan ouch allir
par011_29_ menschen geslechte nature was in deme ersten menschen Adam, und were her
par011_30_ forlorn, so were alle mensliche nature zu nichte wordin, und daz in hette nicht
par011_31_ gefugit siner gerechtikeit, di eime iclichin gibit alse her dirarnet. und also in
par011_32_ was ez nicht umme den val der engile, alleine ir ein teil vilen, so bestunden
par011_33_ doch di anderen.
par011_34_     Di leiste sache und di allir beiste was: wan di engile gereckit warin uf
par011_35_ daz ende, des inmochte her nummirme wider gekerin. alse noch deme tode so
par011_36_ ist der mensche cumen uf daz ende da her bliben muiz, dannen her nummer
par011_37_ gekerin mac. wan abir der mensche noch waz uf deme wege du her di sunde
par011_38_ geteit, darumme mochte he wider cumen zu gnaden, und nicht der engil. daz
par011_39_ disir herre queme uf daz ertriche, des was noit, wan kein mensche so wol getun
par011_40_ mochte, he inmuiste hinnidir varin zu der helle. abir nu steit daz himmilriche
par011_41_ uffin genzliche. biden wir unsin herren etc.


uo: (Par 9_23, 10_28, 10_30, 11_16) = [ů]
[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.10.10