Paradisus anime intelligentis (Pr. 5)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

5. Johan Franco.

Sermo de tempore.

[Paralleltext]


par018_12_     V. 'Fiat michi secundum verbum tuum'. 'fiat' daz ist daz allir edilste wort
par018_13_ daz ie gesprochin wart. ez sprichit alse file alse: 'geschehe ein enikeit'. dit
par018_14_ 'fiat' ist gesprochin in der ewikeit in der drier personen einunge an gotlicher
par018_15_ nature. ez wart ouch in deme puncte der zit gesprochin in der foreinunge
par018_16_ gotlicher und menslicher nature an einer personen. ez wart ouch gesprochin
par018_17_ in Godes ewikeit und der sele in der einunge da di sele mit Gode vireinit
par018_18_ wart. nu sullin wir mirkin den uzfluz uz deme gotlichen wesine. waz ist der
par018_19_ uzfluz? daz ist ein offinbarunge, daz he sich selbin yme offenbarit, und sin offen-
par018_20_ barunge daz ist sin sprechin. Dyonisius sprichit von der ordenunge der engel,
par018_21_ daz Got mit yn rede. Got der in hait wedir zungin noch munt da mide he rede.
par018_22_ wo mide dan? sin redin ist daz he sich eime iclichin engile offinbarit, alse he
par018_23_ zu ime geordinit ist. in der ewikeit Godis da sint alle creaturen Got in Gode;
par018_24_ under deme uzfluzze redit sich Got mit undirscheide, daz daz eine wirdit ein
par018_25_ pert, daz andir ein esil etc. di werlint waz dan si ewicliche in Gode si gewest.
par018_26_ si wart doch gemachit in deme puncte der zit du si Got von nichte geschûf.
par018_27_ alda inphinc ein iclich creature waz ir werdin mochte. da insint si nicht Got
par018_28_ dan alse vile alse si sich Gode glichin an deme wesine daz si sint. daz andere
par018_29_ 'fiat' daz da wart gesprochen in deme puncte der zit, daz geschach an den
par018_30_ wortin du unse vrowe deme engile zu [14r] sprach. hic nota historiam. daz si
par018_31_ gnadin vol waz, daz behagite ir wole, mer si wolde daz Got mit ir were. sente
par018_32_ Dyonisius sprichit: 'Marien tuginde sint so unbegriflich daz ich von ir swigin
par018_33_ muiz'. da wart daz ewige wort ingefleischit daz da ewicliche von deme vadere
par018_34_ ist geflozzin. were ein man also groiz daz he nicht grozir gesin mochte, hilde
par018_35_ man yn vor einen cleinen spigil, man sehe sin bilde darinne. also wart daz
par018_36_ ewige wort ingefleischit. ez nam mensliche nature in sich und nicht eine per-
par019__1_ sonen. und von deme werke des heligen geistes gewart lib und sele, und di
par019__2_ einunge gesach in eime puncte der zit zu male und nicht fare joch noch, daz
par019__3_ da was vollincumen Got und mensche an der personen Christi. sint den male
par019__4_ daz di werc der heiligin drivaldikeit ungeteilit sin, so ist ein vrage ob der hei-
par019__5_ lige geist alleine worchte du he den lichamen machite und ob der son alleine
par019__6_ worchte du her mensliche nature an sich nam. respondeo: noch der ordenunge
par019__7_ gibit man deme sone daz eine und deme helegen geiste daz andere. ro-
par019__8_ gemus etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.22