par021_31_     VII. 'Ipse spiritus reddit testimonium spiritui nostro quod sumus filii dei'.
par021_32_ sente Paulus sprichit dise wort: 'der helege geist gibit gezucnisse unsime geiste
par021_33_ daz wir sin Godis sone'. groiz duchte di aldin heligin daz Got ir vadir genant waz;
par021_34_ doch seldin ist Got in der altin schrift vadir genant. daz abir wir cristene lude
par021_35_ Godis sune sin genant, daz ist von Godis sune und von sines geistes gnaden.
par021_36_ groze noit leit Godis son, Christus, fon den juden, darumme daz he sprach he
par021_37_ were Godis son, und hait irarnit daz wir alle an yme und in yme Godis sone sin
par022__1_ geistliche. sente Paulus sprichit: 'diz houbit und dise gelidimese sint ein li-
par022__2_ chame, und ein lichame hait einen geist'. so dan Christus Godis son unse heubit
par022__3_ ist, wir sin lichame, so sin wir in yme ein [16^v] geistlich Godis son und sin
par022__4_ geist machit lebinde und berichtit alle di gelidemese und gibit gezucnisse und
par022__5_ geturst, daz si sprechin in der einunge: 'vadir vadir, abba pater'. sente Jo-
par022__6_ hannes sprichit: 'daz licht daz fon Gode schinet, Godis son, quam in sine eginen,
par022__7_ und di sinen inphingin, den gab he nicht, abir den da in inphingin, den gab
par022__8_ he gewalt Godis sune zu werdine'. nu mac man merkin wilche hohe gewalt
par022__9_ Got uns gegebin hait, daz wir Godis sune heizin und sin. daz wisite und ordinte
par022_10_ Got fore daz wir solden geformit werdin und glich deme libe sines sunes, der
par022_11_ dis vadir bilde ist. dit ist ein ubirschone bilde, in deme alle bilde gebildit sint
par022_12_ und alle unschone schone sint. Salomon sprichit: 'der son ist ein bilde der got-
par022_13_ lichen gude und ein spigil one fleckin und ein lutir schin siner clarheit und ein
par022_14_ schone candor des ewigin lichtis.' in di formen des ewigin lichtes sal sich
par022_15_ druckin di edele sele, also daz si sich stelle in eine suze guit zuphlichtikeit,
par022_16_ di gar one erge sî. in den spigil sal si sehin mit geistlichin ougin, da si findit
par022_17_ reine lutirkeit one missewende, noch der si sich richtin sal. ez muiz gar lûtir
par022_18_ sin da sich der gotliche schin inwerfin sal und sal durchflizin und durchluchten
par022_19_ der sele fornuftikeit und reinigen von allime dinstirnisse der duplichin valscheit
par022_20_ und sezin in di clarheit der ewigin warheit: also wirdit der mensche glich
par022_21_ geformit noch dem bilde Godis sone. daz glichnisse daz wir habin mit Godis
par022_22_ sone, da fone wir Godis sone heizin, daz ist an der geburt; wan alse her ewic-
par022_23_ liche Got uze Gode geborin ist, daz wort daz die warheit ist: also si wir geist-
par022_24_ liche uz Gode geborin in deme worte der worheit. an dirre wondirlichen geburt
par022_25_ lit di hohe edilkeit cristiner sele. wir sin auch gezogin und generit fon dem
par022_26_ selbin [17^r] spune daz der Godis son gesogin hait: das ist di ewigin wisheit, di
par022_27_ der son uz des vadir herzin getrunkin hait. mit den brusten sines bekennissis
par022_28_ und sinir lere so gibit Christus Godis wisheit der sele. des spunes sullen wir
par022_29_ begeren alle di nu geborin sint, di da redelich sin, on ungunst, daz wir dar ane
par022_30_ wasin in daz ewige heil, in den lichamen Christi. wir sullen ouch bewaren daz
par022_31_ wir di icht sin fon den Got clagit in Ysaia: 'soine habe ich generit und irhohit,
par022_32_ abir si habin mich forsmehit'. daz bilde Godis trage wir ouch in der minne.
par022_33_ der vadir minnit sinen son mit der minne di da ist der heilege geist, und mit
par022_34_ der selbin minne minnet der son sinen vadir und di selbe minne floz fon eme
par022_35_ in den lichamen des Godis son houbit ist, daz di minne wisit und machit lebinde
par022_36_ und einit daz houbit mit deme lichamen, daz beide houbit und lichame wirdit
par022_37_ geistliche ein Godis son. alse Christus sprach in deme gebede zu sinen vadere:
par022_38_ 'di minne da du mich mide geminnet hast, di si in in und ich in in.' bide wir etc.