Paradisus anime intelligentis (Pr. 11)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

11. Bruder Erbe.

Sermo de tempore.


par027_30_     XI. 'Hic est filius meus dilectus in quo mihi bene complacui'. dise wort [21r]
par027_31_ sprichit sente Lucas: 'hi ist min liber son, in dem ich mir wol behage'. allir
par027_32_ wonder wondirlichste daz mit wondere ni gegrundet mochte werdin, ist daz
par027_33_ zwo geburte sint und ein einic son, ein zitlich und ein forgenclich, in der he
par027_34_ geborin ist fon der muder one vadir, und ein ewic ummer werde, in der he ge-
par027_35_ borin ist von deme vadere one muder. dise zitlichen geburt haben geschrigit
par027_36_ und gepredigit di engle und di lude, der himmil, der oze und der esil, und di
par027_37_ ist uns bekentlich worden. aber di ewige was uns gar forborgin und inmochten
par028__1_ di nicht bekennen. daz uns nu nicht alleine bekant were sin zitlich und for-
par028__2_ genclich geburt alse he ist fon Marien, sunder ouch sin ewige alse he ewic-
par028__3_ liche geborn ist von sime vadere, so inzlozin sich di himmile uber yme uf, du
par028__4_ he ginc zu deme Jordane, und predigite di stimme des vadir dise geburt und
par028__5_ sprach: 'dit ist mîn lîbir son, in dem ich mir etc.'. in disin wortin sint gerurit
par028__6_ funf stucke, di sunderlichisten und wondirlichin eginkeit di ie fundin
par028__7_ worden an einer geburt. daz erste ist daz nicht dan ein son mac gesin in der
par028__8_ ewigin geburt, da he sprichit 'dit', und noch dirre eginlichkeit ist he genant
par028__9_ ein wort. daz andir ist di unwandilberkeit di in dirre geburt ist. di ist ge-
par028_10_ rurit da he sprichit 'ist'. hi noch gibit yme sente Paulus einen namen und hêzit
par028_11_ in ein schin des ewigin lichtis. di dritte ist daz he ist geborn von der nature
par028_12_ dis vadir, und ist daz selbe wesin mit yme, und hifon ist he genant ein figure
par028_13_ siner substancien. daz vierde ist di glichheit da her sprichit 'son'; hi fon ist
par028_14_ he geheizin ein bilde des vadir. di funfte eginlichkeit di da ist in dirre ge-
par028_15_ burt, ist da he sprichit 'liber', und hi noch ist he genant ein erbe Godis. wi
par028_16_ der son si in deme vadere, daz ist forborgin. sente Augustinus sprichit: 'nicht
par028_17_ in ist so swere in deme suchine und so sorclich in deme irrene und also selic
par028_18_ in deme vindene'. daz [21v] nicht dan ein son mac gesin, daz bewerit man also:
par028_19_ man vindit wol etliche tiir di nicht dan ein geberin, abir alse der vadir ge-
par028_20_ stirbit, so mac dit abir ein ander fort geberin. darumme ist di ewige geburt
par028_21_ wonderinbere. man in sal nicht fornemin fon disir alse fon einer liplichen ge-
par028_22_ burt, sundir daz si ist fon deme gemude oder fon der fornuft des vadir. nu ist
par028_23_ ein naturlich eginlichkeit der fornuft, wo daz si sich hine kerit, da kerit si sich
par028_24_ alzu male hine und ist daz ein edilkeit der fornuft. alleine min fornuft hunderit
par028_25_ zu male muge begrîfin, si inmac doch nicht sundirlichin gesehin dan uf ein und
par028_26_ abir uf ein. ist dit in der fornuft und ist ein edilkeit der fornuft, und wan dan
par028_27_ di in Gode ist, one maze edilre ist, sô irgûzit sich sin fornuft so gar uz uf ein,
par028_28_ da her uf sich selbin blickit, da der son von siner fornuft flusit, daz da nicht
par028_29_ dan ein einic son mac gesin. di fornuft enist ouch nicht getermint zu keime
par028_30_ dinge, also wenic zu eime engle alse zu eime esile. abir di dinc di sich irbil-
par028_31_ din in der fornuft, di termint di fornuft, alse da sich ein antlitze irbildit in
par028_32_ einen spigil, daz der spigil termint, der an yme selbir ungetermint ist, und wan
par028_33_ der bilde in Gode nicht inist und ungetermint ist, des inmac nicht dan ein
par028_34_ gesin. so inmac in der gotheit nicht dan ein son gesin. David sprichit: 'semel
par028_35_ locutus est deus'. 'ein einic habe ich gesprochin', und in deme sint alle dinc
par028_36_ gesprochin, und hirinne heisit he ein wort, nicht ein uzwendic wort, sunder ein
par028_37_ wort der fornuft. wan man eime eginliche etwaz wil wisin, so muiz man yn
par028_38_ wisin uf ein dinc. darumme sprichit he eginliche 'dit'. an deme worte 'ist',
par029__1_ daz ist daz andere, da bewisit he di unwandilberekeit dirre geburt. daz zu
par029__2_ male ist, daz inmac nicht geteilit sin. darumme ist [22r] dise geburt ummer mê
par029__3_ geginwerteclich. David sprichit: 'mit dir ist diz one begin'. idem: 'hude hon
par029__4_ ich dich gewonnen'. in der zit ist forgangin geginwertikeit und inhabe wir hi
par029__5_ der ewikeit nicht mê dan alse vil wir der zit geginwertikeit habin. in Gode
par029__6_ ist nicht forgangin oder kumftic, ez inist nicht in eme dan ein ewic tac. dar-
par029__7_ umme ist he genant ein schin. were di suonne ewicliche gewest, so were ouch
par029__8_ der schin ewicliche gewest. da he sprichit 'min', da bewisit he daz der son
par029__9_ der selbin nature ist di der vadir ist, und ist ein wesin mit eme. daz man dit
par029_10_ forneme, so muiz man mirken daz erste daz he ist geborn fon der fornuft. ie
par029_11_ di fornuft edilre und scherpir ist, ie daz wort daz da uzgeit fon der
par029_12_ fornuft, inre ist und me ein und glichir ist der fornuft da fon iz fluzit.
par029_13_ wan der ubirste engil di allir edilste fornuft hait, dar umme ist sin wort
par029_14_ allir meist mit siner fornuft forenit und aller glichis sinir fornuft; abir
par029_15_ doch enist ez nicht ein wesin mit eme, mer ez ist ein ander. und wan
par029_16_ gotlich fornuft uber alle maze geit uber des engilis fornuft, darumme ist
par029_17_ sin wort so ein und so glich daz ez vellit in sine nature und ist daz selbe
par029_18_ wesin. darumme nennit en sente Paulus ein figure siner substancien. ein figure
par029_19_ ist ein gesteltnisse, ein ummecreizin eines wesines. also ist der son ein gestelt-
par029_20_ nisse, ein ummecreizin eines wesines. also ist der son ein gesteltnisse gotlicher
par029_21_ substancien oder wesines. ein meistir wart gevragit waz Got were. du ant-
par029_22_ wertite he: Got ist ein cirkil, des punct alle dinc irfullit und des cirkil nirgin
par029_23_ inist. die meistere gein dar uf mit grozir kunst wie si einen cirkil vierececht
par029_24_ gemachin. in der gotheit ist ein sinewel cirkil. enist disir cirkil [22v] nicht
par029_25_ vierececht worden, du der ewige zitliche wart geborn, gemartilit, gecrucigit und
par029_26_ getodit wart? an dem worte da he sprichit 'son' und nicht 'tochter', da bewisit
par029_27_ he di allir sunderlichsten glichheit des sones mit dem vadere. dar umme nennit
par029_28_ he yn ein bilde Godis. wir insîn nicht diz bilde, sunder zu deme bilde. waz
par029_29_ machit bilde? 'diz licht', sprichit Ambrosius, 'anderis were der himmil also wenic
par029_30_ gebildit alse ein coile'. waz macht glich? da di dinc di underschêdin sint, etwaz
par029_31_ bequemelichkeit mit ein andir habin, und wan dan dit zumale in eime lutirstin
par029_32_ ist da der son geit uz der fornuft des vadir, und alleine si underschêdin sin an
par029_33_ den personen, so habe si doch eine nature und ein wesin mit ein ander, und wan
par029_34_ daz di hohiste bequemelichkeit ist, darumme ist da di allir grôiste glichheit. daz
par029_35_ man ouch icht wende daz dise geburt sunder glust si, darumme sprichit he
par029_36_ 'libe'. lust cumit fon drin dingin. daz erste, daz man bekenne, wan one be-
par029_37_ kentnisse inmac kein lust gesin. daz andere, daz ez geginwertic si daz man
par029_38_ bekennen sal. daz dritte, daz ez lustlich si. und wan dit zu male vollincumen
par029_39_ ist in dirre geburt (wan si fornuftic und ummir geginwertic und allir lustlichis
par030__1_ ist), darumme ist da di allir groiste lust. gelust lit an eime dinge daz man sich
par030__2_ des alleine genide. vreude lit an ruwe des willin. gelust hait Got in eme
par030__3_ alleine, vreude hait Got mit eme und mit den creaturen. darumme sprichit der
par030__4_ ewangelista daz da der helige geist der di minne ist, irschein in einer tubin
par030__5_ glichnisse und saz uf in. wan in dirre geburt da der vadir uf sich selbin
par030__6_ blickit, da der son von siner fornuft fluzit und der son wider uf in blickit, da
par030__7_ inspringit di minne und da sint di beide ein begin des heligen geistes. [23r] dar-
par030__8_ umme sprach di stimme des vader: 'dit ist min libe son, in deme ich mir be-
par030__9_ hage'. und alliz daz daz deme vadere ummir behagit, daz muiz eme behagin in
par030_10_ sime sone. darumme heizit he ein erbe Godis, daz ist ein erbe sines allir-
par030_11_ beisten gudis. daz uns daz mide werde, des helf uns Got. amen.


uo: (Par 29_7) = [ů]
[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.22