Paradisus anime intelligentis (Pr. 26)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

26. Meister Eckhart.

Sermo de tempore.


par061__6_     XXVI. 'Maria stunt zu deme grabe und weinite'. ez waz wonder also
par061__7_ sere alse si betrubit was, daz si wenin mochte. minne machite si stende, leide
par061__8_ weininde. du ginc si forbaz und lugite in daz grap. si suchte einin todin
par061__9_ menschin und vant zvene lebindige engile. Origines sprichit: 'si stunt'. warum
par061_10_ [49v] me stunt si und di apostolin warin geflogin? si inhatte nicht zu virlisine:
par061_11_ allis daz si hatte, daz hatte si an um vorlorn. du he starp, du starp si mit
par061_12_ ume. du man un begrup, du begrup man ire sele mit ume. darumme inhatte
par061_13_ si nicht zu forlisine.
par061_14_     Du ginc si forbaz. du begenite he ir. du wande si daz he ein gertener
par061_15_ were, und sprach: 'wa hait ir un hine gelegit?' si was alse gar an un forflozzin
par061_16_ daz si sinir worte nicht dan ein behaldin inhatte: 'wa hait ir un hine geleit?' daz
par061_17_ sprach si zu ume. dar nach offinbarite he sich ir alenzilen. hette he sich ir
par061_18_ zumale offinbarit, du si an der begerunge was, si were gestorbin fon freudin.
par061_19_ wiste di sele wan Got in si trede, si storbe fon freudin. wiste auch si wan
par061_20_ he von ir verit, si storbe fon leide. si inweis wan he cumit oder wan he verit.
par061_21_ si intsebit wol wan he bi ir ist. ein meister sprichit: 'sin cumen und sin varin
par061_22_ ist forborgin'. sin geginwertikeit ist nicht forborgin, wan he ist ein licht, und
par061_23_ des lichtis nature ist offinbarunge.
par061_24_     Maria suchte Got alleine, des vant si un, und si inbegerte nicht dan Godis.
par061_25_ di sele di Got suchin sal, alle creature sullen ir ein pine sin. ur was ein
par061_26_ pine daz si di engle sach. also sullin der sele di Got suchin sal, alle dinc sin
par061_27_ alse ein nicht. sal di sele Got vindin, so sal si seis stucke an ir habin. daz
par061_28_ erste, daz ir foire suzlich was, daz ir daz bittir werde; daz andir, daz ir di sele
par061_29_ zu enge werde, daz si in ir selbir nicht blibin cunne; daz dritte, daz si nichtis
par061_30_ dan Godis begere; daz vierde, daz si niman getroistin muge dan Got; daz funfte,
par061_31_ daz si kein widirkerin habe uffe forgencliche dinc; daz seiste, daz si keine inne-
par061_32_ wendige ruwe habe, he inwerde ir widir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.10.24