Paradisus anime intelligentis (Pr. 28)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

28. Meister Eckhart.

Sermo de tempore.


par062_38_     XXVIII. 'Modicum et non videbitis me etc'. di beistin meistere sprechin
par062_39_ daz der kerne der selikeit lige an bekentnisse. bekentnisse rurit bloz daz ez
par063__1_ bekennit. Christus sprichit: 'daz ist daz ewige lebin das man bekenne'. vollin-
par063__2_ brengunge der selikeit lit an beidin: an bekentnisse und an minnen. nu sprichit
par063__3_ unsir herre: 'ein cleiniz und insehit min nicht'. in [51r] disin wortin ligint vier
par063__4_ sinne und ludint vil noch alle glich und tragint doch groiz undirscheit. 'ein
par063__5_ cleine und insehit min nicht'. alle dinc muzin cleine in uns sin und alse ein
par063__6_ nicht. sente Augustinus sprichit: 'du sente Paulus nicht insach, du sach he Got'.
par063__7_ nu kere ich daz wort umme, und ist wol bezzir, und spreche: du sente Paulus
par063__8_ sach nicht, du sach he Got. daz ist der erste sin. der andir sin ist: alle di
par063__9_ werlint und alle zit inwerde cleine in uns, wir insehin Godis nicht. in Apoca-
par063_10_ lypsi steit geschribin: 'der engil swur bi dem ewigin lebine daz zit nicht insi'.
par063_11_ sente Johannes sprichit: 'di werlint wart durch un gemachit und inkante si nicht'.
par063_12_ Philosophus: 'di werlint und di zit ist cleine, ir incumit ubir zit, ir insehit Godis
par063_13_ nicht'. der dritte sin ist: di wile icht an der sele clebit, wi cleine ez ist, sunde
par063_14_ oder sundige side, ir in sehit Godis nicht. der himmil inphehit kein fremiden
par063_15_ indruc. ez sint file himmele; iclich himmil hait sinen engil, der eme zugeordint
par063_16_ ist. solde he in einen anderin himmil wirkin, der ume nicht zu geordint ist, he
par063_17_ inkonde da mide nicht. ein phaphe sprach zu meister Eckarde: 'ich wolde daz
par063_18_ uwir sele in mime libe were'. du sprach he: 'werliche! so were si ein toiren dar
par063_19_ inne, wan si inkonde da mide nicht, noch uwer sele inkonde in mime libe nicht'.
par063_20_ kein sele kan nicht gewirkin in keime libe wan da zu si geordint ist. das auge
par063_21_ inlidit auch keinen fremidin indruc. ein meister sprichit: en were kein mittil,
par063_22_ man insehe nicht. sal ich sehin di varwe an der want, so muz si allir erst
par063_23_ cleinlich gemachit werdin in deme lichte und in der luft und also ur glichnisse
par063_24_ getragin werdin in min auge. daz auge ist glich deme himmele. ez ist sinewel
par063_25_ gefigurit alse der himmil, darumme inphehit ez den indruc des himmelis, wan
par063_26_ [51v] ez ein eigintschaft hait mit deme lichte. der lip inphehit wol vremidin
par063_27_ indruc. di sele inphehit auch wol fremidin indruc di wile si wirkit in deme
par063_28_ libe. sal si icht irkennen daz uzin ir ist, daz muz si tun mit eime cleinen bil-
par063_29_ deline ane bilde. also muiz auch der engil: sal der bekennen einen anderin
par063_30_ engil oder icht anderis daz undir Gode ist, daz muz he tun mit eime cleinen
par063_31_ bildeline ane bilde, nicht alse bilde hi sint. aber sich selbir irkennit he sunder
par063_32_ cleine und sundir bilde. also bekennit sich auch di sele sunder cleine und sundir
par063_33_ bilde und glichnisse. sal di sele Got bekennen, daz muz geschehin an alliz
par063_34_ mittil. di meistere sprechin daz man Got kenne an alliz mittil. also bekennit
par063_35_ der engil Got alse he sich selber bekennit an alliz mittil. so muz Got vil noch
par063_36_ ich werdin. sal ich Got bekennen ane cleine und ane allis mittil, so muz Got
par063_37_ vil noch ich werdin und ich vil noch he, also gar ein, daz ich mit ume
par064__1_ wirke, und nicht also mit ume wirke daz ich wirke und he noch schurge: mer
par064__2_ ich wirke mit ume alse mit deme daz min ist. alse eginliche wirke ich mit
par064__3_ ime alse min sele wirkit mit mime libe. daz ist uns gar troistlich, und inhette
par064__4_ wir anderis nicht, daz solde uns twingin zu minnine Got. der vierde sin ist
par064__5_ zumale widerwertic disin drin. man muz groiz sin und uf irhabin sin, sal man
par064__6_ Got sehin. daz licht der sonnen ist cleine wider deme lichte der fornuftikeit.
par064__7_ fornuft ist cleine wider deme lichte der gnade. gnade ist ein licht ubir swe-
par064__8_ binde und geit ubir alliz daz Got ie geschuf und geschepphin mochte. daz
par064__9_ licht der gnade, wi groz iz ist, so ist doch cleine wider deme lichte daz Got
par064_10_ ist. unse herre straphite sine jungerin und sprach: 'in uch ist eine cleine lichtis'.
par064_11_ [52r] si inwarin nicht ane licht, ez was aber cleine. man muz uf gein und groiz
par064_12_ werdin in der gnade. di wile man zunimit in der gnade, so ist ez gnade und
par064_13_ cleine, darinne man Got sihit fon verrines. wan aber gnade vollinbracht wirdit
par064_14_ uf daz hohiste, so in ist ez nicht gnade, ez ist ein gotlich licht, darinne man
par064_15_ Got sihit. nu sprichit sente Paulus: 'Got der wonit und innewonit in eime
par064_16_ lichte da nicht zugangis inist'. da inist kein zuganc, da ist ein dar cumen.
par064_17_ Moyses sprichit: 'ni mensche gesach Got'. di wile wir menschin sin und di
par064_18_ wile icht menschlichis an uns lebit und in eime zugange sin, so insehe wir Godis
par064_19_ nicht: wir muzin uf irhabin sin und gesazt in eine ludere ruwe und also Got
par064_20_ sehin. sente Johannes sprichit: 'wir sullin Got bekennen alse he sich selbir be-
par064_21_ kennit'. Godis eginschaft ist daz he sich selber bekennit sunder dit und sundir
par064_22_ daz. alse bekennit der engil Got alse he sich selbir bekennit. sente Paulus
par064_23_ sprichit: 'wir sullin Got bekennen alse wir bekant sin'. ich spreche abir: wir
par064_24_ sullin Got bekennen rechte alse he sich selber irkennit in deme widerbilde, daz
par064_25_ alleine bilde ist Godis und der gotheit. nicht der gotheit dan also vile alse si
par064_26_ der vader ist. also vil alse wir dem bilde glich sin und in deme alle bilde
par064_27_ widerbildit sin und glich ingetragin sint in das bilde des vaderis, also vil alse
par064_28_ he daz in uns bekennit, also vil bekenne wir un alse he sich selbin bekennit.
par064_29_ bide wir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.07