Paradisus anime intelligentis (Pr. 38)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

38. Albrecht von Treffurt.

Sermo de sanctis.


par086_37_     VII. 'Diliges dominum deum tuum ex toto corde tuo et ex tota anima tua
par086_38_ et ex tota mente tua'. sente Matheus sprichit: 'minne dinen Got fon allir diner
par087__1_ sele, fon allin dinen gedenkin und fon allime dime herzin'. minnen fon allime
par087__2_ herzin: daz ist on allin irretum fornufticlich. Crisostomus sprichit: 'minnen fon
par087__3_ allime herzin: daz ist daz diz herze zu keime dinge si me geneigit dan zu Gode'.
par087__4_ sente Bernhart sprichit: 'minnen fon allime herzin ist [71v] daz der mensche fon
par087__5_ godelicher minne craft uz sines selbes begerunge si gegozzin und geworfin'. Cri-
par087__6_ sostomus sprichit: 'Got minnen fon allir sele ist daz man si sichires gemudis in
par087__7_ der worheit Godis und stede an deme glaubin'. sente Augustinus sprichit: 'Got
par087__8_ minnen fon allir sele ist einunge menslichis willin in den willin Godis'. sente
par087__9_ Bernhart sprichit: 'Got minnen fon allir sele ist daz man un minne flizecliche
par087_10_ alse daz man widirste anevechtunge untuginlicher sumunge'. Crisostomus: 'Got
par087_11_ minnen fon allin gedenkin ist daz din gehucnisse on undirlaiz in Gode ruwe'.
par087_12_ sente Bernhart sprichit: 'Got minnen fon allin gedenkin daz ist daz man un
par087_13_ minne durch un one maze one underlais'. sente Bernhart sprichit: 'sele min, war-
par087_14_ umme geis du an vremide wege? minne einen guden in deme alle gude dinc sint,
par087_15_ so gnugit dir'. sente Augustinus sprichit: 'nich di lenge der zit noch zal der
par087_16_ werke merin din lon, sundir di groze der minne'. sente Augustinus sprichit: 'sele,
par087_17_ ich weiz, daz du minnist, daz ist di craft der minne daz du wirdis gewandelit
par087_18_ in des glichnisse den du minnest'. sente Bernhart sprichit: 'di hitze der minne
par087_19_ ist untregelich one wisheit, und ie di minne grozir ist, ie me man wisheit be-
par087_20_ darf'. sente Gregorius: 'fleisliche herzin inmugin gudir dinge nicht irkennen,
par087_21_ sundir daz si fleisliche minnen'. Augustinus: 'der ist wenic di daz inre guit
par087_22_ minnen, daz man alleine minnen solde. di uzewendigin dinc mac man nutzen
par087_23_ zu der noitdurft, nicht zu unmaze, und wan he der tugint nicht ingerit, da fon
par087_24_ gibit he si nicht, der doch bereit ist zu gebine den di ir begerint'. Augustinus: 'o
par087_25_ herre Criste, der himmil und di erde und alliz daz dinne [72r] ist, daz sait mir
par087_26_ daz ich dich minne'. Gregorius: 'ez inist nicht sterkir dan di minninde sele. alse
par087_27_ vil alse der mensche burninde ist in Godis minne, alse vil irkaldit he an wer-
par087_28_ lintlicher sorge'. Gregorius: 'alse dicke kusit di sele unsin herrin, alse dicke der
par087_29_ mensche irsufzit in der minne'. Jeronimus: 'ez ist ein groiz freude der minnen-
par087_30_ den sele daz si di werlint undir den fuzin habe'. Augustinus: 'alse der lip toit
par087_31_ ist on di sele, also ist di sele one minne. di wisheit merit sich wan man si
par087_32_ teilit, beheldit man si aber, so geit ur abe. daz selbe ist an der minne'. Gre-
par087_33_ gorius: 'alse di este und zwige alle cumen uz der worzelin des baumis, also
par087_34_ cumen auch alle tuginde fon der minne'. Angustinus: 'der boise cristen der mac
par087_35_ alle cristenliche zechin hon, sundir di minne mac he nicht gehon'. Effrem: 'di
par087_36_ minne ist ein senftikeit und ein saze der heligin sele. wer Got minnet, des muit
par087_37_ enist nicht uf ertriche, sunder he ist zu allin zidin gerinde der grozin dinge di
par087_38_ her minnet'. Augustinus: 'minnes du nicht daz guit daz so sere zu minnene ist,
par087_39_ so bist tu itzunt lebindic toit in dir selber, wan der inlebit in dir nicht on den
par088__1_ du nicht gelebin inmacht, daz ist Got'. sente Bernhart sprichit daz di vollin-
par088__2_ cumene sele sal habin drivaldige minne zu Gode Ihesu Christo. di erste minne
par088__3_ heizit amor. daz ist also daz ich einen grozin willin habe Got zu minnene und
par088__4_ daz der wille rechte gluoit fon minnen: also sere minne ich Got fon eime grozin
par088__5_ willin. di andere minne ist grozir dan di erste, di heizit dilectio adhesionis,
par088__6_ daz sprichit ein rechte anehaftunge, wan ich hon zu dem erstin grozin willin
par088__7_ und einen burninden willen Got zu minnene. da noch hefte ich mine sele an
par088__8_ Got und minen willin, also daz [72v] schussin mir und ume eine veste ane-
par088__9_ heftunge ist, daz mich nicht fon ume gescheidin mac, und hon den grozin willin,
par088_10_ den ich zu dem erstin hatte zu der minne, den hon ich an Got geheftit, daz ich
par088_11_ ummer an ume haftin wil. di dritte minne heizit caritas, daz ist di uberste.
par088_12_ di minne ist also daz ich an Got gelust hon, daz mir suze ist an un gedenkin,
par088_13_ fon ume redin, fon ume horin, und ich an keime dinge hon wollust wan an
par088_14_ Gode alleine und inminne keine dinc one Got, und alse vil alse ich Got dar ane
par088_15_ vindin mac und bekennen, alse vil sal ich ein iclich dinc minnen. wan ich Got
par088_16_ also minnen, so heizit di libe caritas, so habe ich vollincumene minne und
par088_17_ minne Got allintsamit so ich alle dinc durch Got minne, also daz di minne an
par088_18_ gode anehebit und auch ende hait. minne ich aber kein dinc durch sich selbe
par088_19_ oder durch di gude di ich dar ane forste, und daz ich nicht urin irhab an Gode
par088_20_ suche, fon deme di gude alle geflozzin ist; so minne ich Got geteilit. minne ich
par088_21_ un aber also daz ich alle dinc durch un minne und ich an keime dinge wollust
par088_22_ habe dan an Gode alleine, so minne ich Got ungeteilit. bide wir etc.


uo: (Par 88_4) = [ů]
[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.30