Paradisus anime intelligentis (Pr. 39)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

39. Gisilher von Slatheim.


par088_24_     VIII. 'Maiorem hac dilectionem nemo habet, ut animam suam ponat etc'.
par088_25_ sente Johannes sprichit: 'ez inist nicht grozir libe dan daz ein mensche sterbe
par088_26_ for sinen frunt'. daz habin wol bedacht di heiligen mertelere, di da begertin
par088_27_ daz si durch den glaubin und durch Got sterbin muisten. nu sprichit unsir
par088_28_ herre: 'grozir liebe inhait niman'. groze der libe inkan niman gewegin dan der
par088_29_ der di libe selbe ist. libe inkennit sich nirgin dan in Gode, wan he ist di libe
par088_30_ selber. [73r] Johannes: 'Got ist di minne'. minne und bekentnisse ist alle wis
par088_31_ gescheidin, dan in Gode ist ez ein. groze der minne inhait niman. groze der
par088_32_ libe ligit weder an lenge noch an breide, mer si ligit an grozirme adile. groze
par088_33_ der minne ligit an drin dingin. daz erste darane di minne groiz ist, daz ist
par088_34_ vriheit. minne daz ist ein gar vrie craft, di inwirdit nummir gevangin, si in-
par088_35_ gebe sich danne gevangin selber. ein ture rittere inlezit sich nicht vahin und
par088_36_ wirdit cume gevangin, he in gebe sich dan selbe gevangin. aber bekentnisse
par088_37_ inkan sich nummer irwerin, ez inwerde gevangin fon der worheit. worheit ve-
par088_38_ hit daz bekentnisse, daz joch di lude sprechin: 'ich muiz bekennen der warheit,
par089__1_ si hait mich gevangin'. vriheit ist sere nutze der minne, wan si geleidit wirdit
par089__2_ fon der wisheit. enwirdit si aber nicht geleidit fon der wisheit, so ist si gar
par089__3_ schedelich. Godis rittir in sal sich nicht neigin uffe uzere dinc, daz he deste
par089__4_ baz di Godis rittirschaft geplegin muge. wolde ein rittir caufmanschaft triben,
par089__5_ daz were groiz schande, he sal rittirschaft triben. daz andere dar ane groze
par089__6_ lit der minne, daz ist daz si gewinhaft ist. minne gewinnit alliz daz si gewinnin
par089__7_ wil; ur inist nicht zu ture ere noch guit noch alliz daz in himmele ist, und joch
par089__8_ Got selber. Augustinus: 'daz allewis unmugilich ist, daz ist der minne muglich
par089__9_ zu gewinnene'. 'minne', sprichit der wise man, 'ist ein uberwindinde craft, di da
par089_10_ uberwindit alliz daz si wil'. minne ist ein behende caufmann, si gewinnit an
par089_11_ deme viginde me dan an deme frunde. wan min frunt ist mir nahe, alleine ich
par089_12_ un durch gut lip habe, so minnerit doch di nehide und di widirlibe minen ge-
par089_13_ win. abir min vigint ist mir verre, und sal min minne da hine [73v] rêchin, so
par089_14_ muiz si sich denin und streckin und reckin, und daran lit min gewin. daz dritte
par089_15_ dar ane groze der libe lit, daz ist daz si di beistin kure hait an allime gude.
par089_16_ liebe hait di macht daz si sich kerin mac zu allime gude und kere fon allime
par089_17_ ubile und zuhit sich zu Gode, da beheldit si di beistin kure. also hait der hei-
par089_18_ ligin mertilere minne verre gereckit zu urin vigindin, wan si korin den toit
par089_19_ durch Got. der toit enist nicht zu kisine, wan he pinlich ist. abir daz si
par089_20_ daz gewonnen daz si libir hatten dan sich, darumme korin si den toit. bide
par089_21_ wir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.30