Paradisus anime intelligentis (Pr. 44)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

44. Eckhart Rube.

Sermo de sanctis.


par098_18_     XIII. 'Estote parati quia nescitis quando dominus veniet'. unsir herre
par098_19_ sprichit: 'sit bereide etc.'. waz da inphahin sal des ez nicht inhait, daz muz da
par098_20_ zu bereidit werdin daz ez daz inphahe und behaldin muge. daz element der
par098_21_ erdin mac wazzir werdin und daz wazzir luft und di luft mac fuir werdin, aber
par098_22_ kein element hait daz in sinir nature da fon ez daz andere muge werdin, dan
par098_23_ bloze materien. darumme, sal daz eine in daz andere gewandelit werdin, daz
par098_24_ muiz geschehin fon andirre helfe, da mide ez da zu bereidit werde. daz ist
par098_25_ gewis daz der mensche nicht selikeit inhait, alleine he da zu geschaffin und
par098_26_ gefugit si daz he selic mac werdin, ob he sich da zu bereidit. darumme sprichit
par098_27_ he: 'sit bereidit' und nicht sprichit he: 'bereidit uch', wan ez ist ein groiz
par098_28_ undirscheit daz man sprichit 'sit bereit' und 'ir sullit uch bereidin'. ein sunder
par098_29_ mac sich bereiden, aber ein guit mensche mac bereide sin. ez ist ein alzu un-
par098_30_ selic mensche daz sine bereitunge setzit in ein daz oder in ein daz. waz weiz
par098_31_ he ob daz daz da he sine bereitunge uf setzit, ummer geschihit, und ob he daz
par098_32_ dan, daz ist di zit, ummir geleibit, und waz weiz he ob ume der wille blibit!
par098_33_ hirumme sal sich [81r] der mensche itzunt bereidin und sal alle wege bereide
par098_34_ sin, wan he nicht wizzin mac wan der brudegumme cumit. di bereitunge ist
par098_35_ bescribin: 'uwir lendin sullin uf gegurtit sin'. di lendin oder di siten daz ist
par098_36_ di fornuft und der wille, di sullin uf gegurtit, daz ist ufirhabin sin ubir alle
par098_37_ dinc. di sele ist ein einvaldic und ein lutir nature und ist doch manicvalt an
par099__1_ uren creften. si ist zumale ein lutir geist sunder alle materielichkeit und alle
par099__2_ gropheit, groze, lenge, breite, alleine si geistliche groze habe. hette min sele
par099__3_ icht materielichkeit und inwere nicht zumale lutir, si inmochte nummir gewirkin
par099__4_ ein lutir geistlich werc. min bekentnisse inmochte nummir bekennen daz daz
par099__5_ da ist pobin materielichkeit. alse min auge inmac nicht bekennen sundir ma-
par099__6_ terien, alleine di materie in min auge nicht incume, mer doch ur glichnisse da
par099__7_ mide ich si irkennen muiz. di sele ist auch manicvaldic an urin creftin. ez
par099__8_ ist groiz underscheit undir den creftin und undir deme wesine der sele alse undir
par099__9_ eime steine und eime koln, und ungliche grozir. di crefte sint ein anehanc und
par099_10_ ein aneval des wesines der sele. si insint nicht ein mit der nature der sele.
par099_11_ werin di crefte ein mit der nature, so inwere da kein undirscheit und so in-
par099_12_ mochte kein craft kein sunder werc gewirkin, und so inwere auch nicht dan ein
par099_13_ craft und inmochte nicht gewirkin dan ein werc und were daz werc ur wesin,
par099_14_ alse in Gode sin craft und sin werc ein ist mit sime wesine, alleine da doch
par099_15_ undirscheit si in den personen. di sele inist nicht alleine ein bilde Godis, si ist
par099_16_ ein bilde der heligin drivaldikeit. diz bilde der drivaldikeit inist nicht allewege
par099_17_ in deme menschin geginwerticlich und [81v] genzlich. alse der mensche slefit oder
par099_18_ an Got nicht indenkit, oder in eime kinde, so inist diz bilde nicht vollincume-
par099_19_ liche an ume, mer der mensche ist wol in einir beretunge und fugunge zu deme
par099_20_ bilde. in Genisi steit: 'mache wir den menschin zu unsin bilde'. Augustinus:
par099_21_ 'diz bilde der drivaldikeit ist nicht allewege in deme menschin, sunder der
par099_22_ mensche ist wol in einir intwerfunge zu dem bilde, nicht vollincumeliche ein
par099_23_ bilde. ez ist ein groiz underscheit, alse diz bilde ist in der inphenclichkeit und
par099_24_ alse ez ist in sinir vollincuminheit'. Augustinus suchit wo das bilde Godis lige
par099_25_ in der sele, weder ez si in deme wesine der sele oder in den creftin oder in den
par099_26_ cleideren der sele oder in den werkin, und he sprichit daz ez lige in den
par099_27_ werkin naturliche und vollincumeliche. diz wesin ist wol ein orsprunc oder ein
par099_28_ vollenmunt und di crefte ein inthalt, aber di vollincumenheit des bildis ist in
par099_29_ den werkin. alse Got der bekentlichin craft foreinit und geginwertic ist und
par099_30_ sich der gedanc kerit uffe Got und Got bekennit, da wirdit gesprochin in deme
par099_31_ gotlichin lichte ein gotlich wort, und dar uz inspringit ein minne di sich widir
par099_32_ beugit uf Got, und da ist daz bilde vollinbracht alse ez ist in der gotheit, da
par099_33_ der vader ist sines selbis selikeit und sines selbis lebin und da he sines
par099_34_ selbis gebruchit und kerit sich uf sich selbin und bekennit sich selbin. da
par099_35_ sprichit he sin wort und mit dem worte geistit he den geist. dise siden der sele
par099_36_ sullin alle wege uf irhabin sin: di bekentliche craft Got neminde uber
par099_37_ alle materien und bildungen und der wille Got begrifinde sunder maze. bide
par099_38_ wir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.04