Paradisus anime intelligentis (Pr. 47)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

47. Meister Eckhart.


par106_19_     XVI. 'Elizabeth pariet tibi filium et vocabis nomen eius Johannem'.
par106_20_ 'Elizabeth sal gewinnen einen son, und der sal heizin Johannes'. dise wort
par106_21_ sprach der engil, du he sich offinbarte Zacharias. zwegirhande wis offinbarit
par106_22_ sich der engil, alse an eime lichamen den he nimit fon den elementin. der
par106_23_ engil formac daz fon nature daz he mache einen baum in einir stunde zu be-
par106_24_ wisine, der manic jar wesit fon eime kernen. des menschin nature formac daz
par106_25_ si spise forwandele zu fleische und zu blude: so ist ez muglicher daz fon got-
par106_26_ licher craft win und broit wirdit gewandelit in Godis lichamen. zu dem anderin
par106_27_ male offinbarit sich der engil an eime glichnisse gotlichis lichtis, Godis willin
par106_28_ zu bewisine der sele, und bindit Godis willin in daz licht und druckit den in
par106_29_ di sele. alse daz wort daz ich sprechin wil, enist nicht daz dinc da fon ich
par106_30_ sprechin [87v] wil; alse ich mine wort binde an di luft mit der stimme, und di
par106_31_ luft furit ez zu uwirin orin und wirt also bracht in di sele. alse etliche geist-
par106_32_ liche lude, di bewisin mit den vingerin was si meinen, also offinbarin sich die
par106_33_ engle an eime glichnisse daz geistlich ist, und bewisin also Godis willin der sele.
par106_34_     Nu sal man mirkin daz erste wort daz der engil sprichit: 'Elizabeth sal
par106_35_ gewinnen ein kint'. bi Elizabeth ist uns genomin in wilcher achte di sele sin
par106_36_ sal in der Godis gnade geborin sal werdin. Johannes tudit sich also vil alse
par106_37_ 'in deme di gnade ist'. daz kint sal groiz werdin und helic geborn. darumme
par106_38_ begeit man drigerleige geburt, daz si gereinigit wordin in urre mudir libe. sente
par107__1_ Johannes wart also gereinigit daz he heubit sunde enmochte getuon, und unsir
par107__2_ frauwin di was also irfullit mit der gnade daz si noch heubitsunde noch
par107__3_ tegelich ni geteit; und unsis herrin Ihesu Christi was alzumale reine, wan
par107__4_ fon der he inphangin wart, di was also gereinigit for deme inphencnisse
par107__5_ daz nie erbesunde an un gevallin mochte. alse di frauwe unbehaftic was,
par107__6_ also sal di sele unbehaftic sin di in der Godis gnade geborin wirdit, daz
par107__7_ si nirgin gedenke ane behagunge noch missehagunge der lude, dan zu Gode
par107__8_ alleine.
par107__9_     Ein iclich werc fluzit von eime wesine. inwere kein wesin, so inwere kein
par107_10_ werc. glicher wis alse warme dinc cumen fon deme fure: inwere kein
par107_11_ fuir, so inwere kein werme. und alle kalde dinc cumen fon der erdin, und
par107_12_ alle di der erdin vile habin, di sint torecht und mugint vile lidin und sint
par107_13_ kalt. also lit alle vollincuminheit der sele an der hitze di da lebindige werc
par107_14_ wirkit.
par107_15_     Bi drin dingin mu[88r]ge wir mirkin ob di gnade in der sele si. daz erste,
par107_16_ daz di sele gotvar si, wan si fon eime gotlichin wesine hercumit. daz andere,
par107_17_ daz di sele machit Gode glich und druckit Godis glichnisse in di sele und
par107_18_ machit si gotvar, daz si sich den tufilin irbudit for einen Got, daz ist fon der
par107_19_ edilkeit der gnade. daz dritte, daz der sele nicht ingnuge, si inhabe alle vol-
par107_20_ lincumenheit zumale, wan ein hedenisch meister sprichit: 'alle vollincumenheit
par107_21_ der sele lit dar ane daz si habe glichnisse Godis, engle und allir creature'. glich-
par107_22_ nisse und vollincuminheit allir creature ist geschaffin an den englin geistliche,
par107_23_ er si geschaffin wordin an den creaturen. nu sal di sele den englin glich sin
par107_24_ in deme himmilriche. waz di engle besezzin habin, daz ist der sele gelobit; waz
par107_25_ di engle inphangin habin, daz sal ur werdin gegebin. darumme ingnugit der
par107_26_ sele nummir, si incume dar da allir creature vollincuminheit ist ungeteilit und
par107_27_ an undirscheit.
par107_28_     Zu dem anderen male sulle wir mirkin wilche wis di gnade wirkit in der
par107_29_ sele, alse man prufin mac bi glichime, alse bi eime bihile: daz sal hon dru dinc
par107_30_ an ume. daz erste, ein recht gesteltnisse und daz ez gesliffin si. also muiz di
par107_31_ sele gereinigit und geluterit sin fon sunden, daz si keine sunde formuge, alse
par107_32_ ein sundic mensche nicht gudis formac on di gnade und one glichnisse Godis,
par107_33_ und wi vil he gudis getuit, daz incumit ume nummir zu stadin. daz andere,
par107_34_ daz diz bihil wirke des wercmannis gerunge uf daz ende. also brengit di gnade
par107_35_ di sele in Got und brengit di sele uber sich selber und beraubit si uris selbis
par107_36_ und allis des daz creature ist, und foreinit di sele mit Gode. also lange wirkit
par107_37_ di gnade mit der sele daz si ez selber rumin muiz, daz da nicht inne blibit dan
par107_38_ Got und di sele. bide wir etc.


uo: (Par 107_1) = [ů]
[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.05