Paradisus anime intelligentis (Pr. 52)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

52. Helwic von Germar.

De sanctis.


par115_16_     XXI. 'Predica verbum'. sente Paulus sprichit: 'brenge fore daz wort'. he
par115_17_ sprichit auch: 'ich beswere uch bi deme der orteilin sal di dodin und di lebin-
par115_18_ den, daz ir gewinnit ein kint'. der son des himmelischin vader ist wol geheizin
par115_19_ ein wort, wan der vader sprichit sich selbir in dem worte und alle dinc, wan
par115_20_ der vadir hait alle dinc in ume in urre hohisten edilkeit und sprichit sich selbe
par115_21_ in daz wort und alle dinc. mochtis di sele inphangin habin, he hette ur di
par115_22_ selbe glicheit gegebin, daz si alle dinc hette in der selbin edilkeit. si inmochte
par115_23_ ez nicht inphahin von nature. nu hait he ur eine muglichkeit gegebin da si
par115_24_ alle dinc in sich gebildin mac. sal daz auge ein bilde in sich zihe, alse ez ge-
par115_25_ snidin ist ganz, so muiz ez fon allin anderin kerin. waz hilfit hizu? daz Got
par115_26_ wirkit in der sele dru dinc: daz eine ist ein uzwerfin allir forgenclicher dinge;
par115_27_ daz andere ist ein ufcriginde, ein furige begerunge, mit der sal man erbeidin;
par115_28_ daz dritte, alse sich di creature in di sele [94v] wollin bildin, daz ez ur ein
par115_29_ pine si und ein erbeit. di sele hait eine craft di sundir materien und sundir
par115_30_ zit und stat wirkit. alse di sele in der hohisten craft steit alleine, so sprichit
par115_31_ der vadir ein wort in di craft und gebirit sinen son in di craft und inphehit
par115_32_ sich selbin in sich selber in dise craft. also wirt daz ewige wort inphangin in
par115_33_ der sele. dit ist daz kint und daz wort daz wir sullin fore brengin. di sele sal
par115_34_ harte luter sin in der dit kint sal geborin werdin und di diz wort fore sal
par115_35_ brengin, wan der vader ingebirit sinen son nirgin dan in der ewikeit. sal di
par116__1_ sele inphahin daz ewige wort fon deme himmelischen vadere, so muiz si fon
par116__2_ allin forgenclichin dingin gezogin sin in Godis ewikeit. da mac si inphahin daz
par116__3_ ewige wort, daz on underlaiz wirt geborin von deme ewigin vadere. eia edile
par116__4_ sele, haist du daz wort in dir, sprichis herfure! wanne wirt dit wort forbracht?
par116__5_ alse ein licht der worheit luchtit ez in den geist und durch den geist in den
par116__6_ creftin der sele und in den werkin und sidin und wandelungin: so wirdit daz
par116__7_ wort furbracht, daz Paulus meinete. du unse vrowe unsin herrin inphinc, du
par116__8_ sprach der engil zu ir: 'ône wê vol gnâdin!'. also sal di sele di daz ewige wort
par116__9_ inphahin sal, -- di sal uzgetribin habin alle we und sal habin ein tugintlich
par116_10_ lebin, daz di tuginde durch si luchtin und daz si gebere. bide wir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.05