Paradisus anime intelligentis (Pr. 58)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

58. Meister Eckhart.

Sermo de sanctis.


par124_11_     XXVII. 'Puella, surge'. 'stant uf!' unsir herre lede sine hant uf di junc-
par124_12_ frauwin und sprach: 'stant uf!' di hant Godis daz ist der helige geist. alle
par124_13_ werc werdin geworcht in hitze. wan di furige minne zu Gode irkaldit an der
par124_14_ sele, so stirbit si, und sal Got in der sele wirkin, so muiz Got in der sele for-
par124_15_ einit sin. sal dan di sele mit Gode foreinit sin oder werdin, so muiz si fon
par124_16_ allin dingin geschêdin sin und muiz alleine sin, alse Got alleine ist, wan ein
par124_17_ werc daz Got in einir ledigin sele wirkit, daz ist bezzir dan himmilriche und
par124_18_ ertriche. dar zu hait Got di sele geschaffin daz si mit ume foreinit werde. ein
par124_19_ he[101v]lige sprichit: 'di sele ist gemachit fon nichte, und he hait si alleine ge-
par124_20_ machit und niman mit ume'. hette si iman mit ime gemachit, so hette he alse
par124_21_ mer alse angist daz sich di sele dar uf neigite. darumme muiz di sele alleine
par124_22_ sin, alse Got alleine ist. geistliche dinc und lipliche dinc di inmugint nicht for-
par124_23_ einit sîn. sal gotliche vollincumenheit wirkin in der sele, so muiz di sele ein
par124_24_ geist sin, alse Got ein geist ist, und gebe Got der sele in der sele, so muiste
par124_25_ he ir mit maze gebin. darumme zuhit he si in sich selber in ume selbin: also
par124_26_ wirt si mit ume foreinit. des ist ein glichnisse: alse daz fuir und der stein for-
par124_27_ einen sich, doch wan si beide liplich sin, so blibit der stein dicke kalt fon
par124_28_ binnen durch di gropheit des steines. und alse di luft und daz licht: alliz daz
par124_29_ du sihist in der luft, daz sihis du in der sonnen. mer doch wan si beide liplich
par124_30_ sin, so ist in einir mîle me lichtis dan in einir halbin und in einir halbin me
par124_31_ dan in eime huis. daz nehiste glichnisse daz man vindin kan, daz ist lip und
par124_32_ sele. di sint also foreinit daz der lip inmac nicht gewirkin ôn di sêle und di
par124_33_ sêle nicht ôn den lîp, und alse sich di sele heldit zu dem libe, also heldit sich
par124_34_ Got zu der sele, und alse sich di sele scheidit fon deme libe, daz ist des libis
par124_35_ tot. also stirbit di sele, so sich Got fon ir scheidit.
par124_36_     Dru hindirnisse sint daz di sele nicht foreinit sich mit Gode. daz erste,
par124_37_ daz si zu file geteilit ist, daz si nicht einvaldic inist. wan alse di sele genegit
par124_38_ ist zu den creaturen, so inist si nicht einvaldic. daz andere, daz si mit zit-
par125__1_ lichin dingin foreinit ist. daz dritte, daz si neigunge hait zu dem libe, so in-
par125__2_ mac si sich mit Gode nicht foreinen.
par125__3_     Also sint dru fordirnisse zu der einunge Godis in der sele. daz eine, daz
par125__4_ di sele einvaldic si und ungeteilit; wan sal si mit [102r] Gode foreinit sin, so
par125__5_ muiz si einvaldic sin, alse Got einvaldic ist. daz andir, daz si pobin ir selbir
par125__6_ wone und pobin allin forgenclichin dingin und hafte an Gode. daz dritte, daz
par125__7_ si gescheidin si fon allin liplichin dingin und wirke noch der erstin lutirkeit.
par125__8_ Augustinus sprichit fon der frien sele: 'wan du mich nicht inwilt, so wil ich
par125__9_ dich; wan ich dich wil, so inwilt du mich nicht. wan ich dich jage, so flûis
par125_10_ du mich'. in der widerwende laufint einen lauf di luterin geiste zu der bloz-
par125_11_ heit Godis.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.06