Paradisus anime intelligentis
Inhaltsverzeichnis


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

[1ra] Dit buchelin heizit ein paradis der fornuftigin sele.


par001__2_     I. Ecce dies veniunt. in disir predigade wisit mester Eckart der alde
par001__3_ den grozin nucz der zukunft unsis herren, wan for der zit muystin alle lude zu
par001__4_ der helle, aber nu gnugit Gode lichtliche, wan mit eyme reinen herzin ist
par001__5_ ez gnuc.
par001__6_     II. Benedictus qui venit in nomine domini. in disir predigade lerit brudir
par001__7_ Florencius fon Uttrecht, der undir lesemeister was zu Erforte zu den pre-
par001__8_ digerin, wi bequemelich ez waz daz Got mensche worde und den menschen
par001__9_ irloiste und nicht den engil.
par001_10_     III. Gaudete in domino semper. in disr predigade lerit meister Hane
par001_11_ der calmellita daz mit seis stucken di sele uf ir hohistis kumit.
par001_12_     IIII. In illo tempore missus est angelus Gabriel. in disir predigade be-
par001_13_ wisit meister Eckart der alde mit reden und mit glichnissen daz Got geboren
par001_14_ wirt in der sele und di sele in Got geborin wirt.
par001_15_     V. Fiat mihi secundum verbum tuum. in disir predigade bewisit bru-
par001_16_ [1rb] dir Johan Franco, der lesemeister der predigir, daz daz wort fiat ist daz
par001_17_ groiste daz Got in himmilriche oder in ertriche ie gesprach.
par001_18_     VI. Puer natus est nobis. in disir predigade larte brudir Thomas von
par001_19_ Apolde der prediger von driger leige gebet des ewegin wortis.
par001_20_     VII. Ipse spiritus testimonium. in disir predegade leret brudir Johan
par001_21_ Franco daz diz houbit daz Christus ist, und der lichame der di cristinheit ist,
par001_22_ hait einen geist.
par001_23_     VIII. Post dies octo. hy lerit meister Eckart der alde, in wilicher
par001_24_ sele der name Ihesus gesprochin sal werdin, daz muz geschehen an dem
par001_25_ achtin dage.
par001_26_     IX. Angelus domini apparuit in sompnis Joseph dicens. in disir
par001_27_ predigade lerit brudir Eckart Rube, der lesemeister in predigir ordine waz,
par001_28_ wi Christus muge geheizin ein engil und gnade ouch heize ein engil, und der
par001_29_ engil selbir der ist der naturliche engil Godis, und weme dise engle irschinen
par001_30_ und wo zu.
par002__1_     X. Angelus domini apparuit. hi an disir [1va] predigade bewisit meister
par002__2_ Eckart, wan Gode gerumit wirt und da vride ist, so kumit Got zu der sele.
par002__3_     XI. Hic est filius meus dilectus. an disin wortin bewisit brudir Erbe
par002__4_ der prediger und lesemeister funf eyginlichkeit an Christi geburt meistirliche.
par002__5_     XII. Ubi est qui natus est. in disir predegade bewisit brudir Gisilher
par002__6_ fon Zlathem lector wi man vindit in Christo dem kinde daz ewige, daz nuwe,
par002__7_ daz alde.
par002__8_     XIII. Ubi est qui natus. in disir predigade bewisit brudir Herman
par002__9_ fon Loveia lector wi di worheit der gotheit unbegriffin blibit fon allen
par002_10_ fornuftin etc. und wi di godeliche gude ungevazzit blibit von der begerunge
par002_11_ und wi daz gotliche wesin nicht ingeteilit inwirt von allin sinen werkin.
par002_12_     XIIII. Puer Ihesus proficiebat etate et sapientia. hi lerit brudir Gisilher
par002_13_ lector von virleige kunst und wisheit in Christo und an wilcher kunst und
par002_14_ wisheit Christus zu neme.
par002_15_     XV. Sedebat Ihesus docens in templo [1vb]. hi lerit meister Eckart
par002_16_ waz Christus uns lerit mit den vier kunstin.
par002_17_     XVI. Voca operarios et redde illis mercedem suam. in disir predigade lerit
par002_18_ meistir Eckart wi Got di sele ladit zu eme mit deme geschepnusse allir
par002_19_ creature, und von deme lone.
par002_20_     XVII. Vobis datum est nosse misterium regni dei. in disir predigade
par002_21_ lerit brudir Herman der lector von der Loveia fuonf bekentnisse der sele,
par002_22_ daz si mit den Got nicht bekennen mac; wo mide si aber muge Got sehin und
par002_23_ wilche wis, da lerit he ouch.
par002_24_     XVIII. Exiit qui seminat seminare semen suum. hi lerit brudir Johan
par002_25_ Franke lector, daz funf hindirnisse sin daz wir Got in disme lebine nicht
par002_26_ mugin erkennen, und lerit auch daz funf stucke sin di uns da zu furderin daz
par002_27_ wir Got irkennen.
par002_28_     XIX. Populi eius qui in te est misereberis. hi bewisit meistir Eckart
par002_29_ di sele di in Gode sin, und wi Got barm[2ra] herzicliche mit un wirkit und
par002_30_ wi sin barmherzikeit ist uber alle sine werc.
par002_31_     (20) Sta in porta domus domini et predica verbum. meister Eckart
par002_32_ bewisit an disin wortin wi di sele geschickit sal sin di Got lobin sal, und
par002_33_ bewisit daz mit der schrift und mit glichnissen der creature.
par002_34_     (21) XX. Vir meus mortuus est. meister Eckart bewisit hi wilich der
par002_35_ man si in der sele und wilche wiz he sterbe und wilich di swene sune sin der
par002_36_ widewin, von den si clagit man wolle si ir nemen.
par002_37_     (22) XXI. Adolescens, tibi dico surge. meister Eckart bewisit hi bi der
par002_38_ vrowin di da waz widewe, di selen, und bi deme sone nimit he uf die for-
par003__1_ nuftikeit und bewisit wi der jungelinc stirbit und wi Got alle sine macht da
par003__2_ zu dut daz der jungelinc wider lebindic werde.
par003__3_     (23) XXII. Accipite et manducate, hoc est corpus meum. in disir pre-
par003__4_ digade [2rb] lerit brudir Eckart Rube der lesemeister wi di inphahunge unsis
par003__5_ herrin lichamin ist zveigirleige geistilich und sacramentilich, und wie in allin
par003__6_ messin dri wondir geschehin, di ouch geistliche geschehin in der sele di da
par003__7_ wirdecliche Godis lichamen inphehit.
par003__8_     (24) XXIII. Homo quidam fecit cenam magnam. meister Eckart bewisit
par003__9_ hi wi di inphaunge unsis herrin lichamen heize ein abintezzin, und wilich di
par003_10_ knechte sin di zu der abintwirtschaft ladin, und wilich di lude sint di der
par003_11_ spise nummir inbizint.
par003_12_     (25) XXIIII. Conturbati discipuli existimabant se spiritum videre. brudir
par003_13_ Gisilher von Slatheim der lesemeister sezit hi vil rede der meistere, wi daz
par003_14_ muglich were daz unsir herre mit beslozzenir ture zu sinen jungeren queme
par003_15_ und sin licham beseze di selbin stat die ein andir lichame besaz.
par003_16_     (26) XXV. Maria stunt zu dem grabe und weinete. in disir predigade
par003_17_ lerit meister Eckart daz Maria Magdalena unsin herrin [2va] suchte, und di sele
par003_18_ di in vindin sal, die sal seis stucke an ir haben.
par003_19_     (27) XXVI. Cum sero factum esset. hi lerit meister Eckart wi di sele
par003_20_ geschickit sal sin di daz gotliche licht inphahin sal, und wi Got in der sele
par003_21_ wirkit di zwelf fruchte.
par003_22_     (28) XXVII. Modicum et non videbitis me. meister Eckart sezzit hi
par003_23_ vier sinne uffe dit wort, wi di sele sich fugin sal di da Got sehin sal.
par003_24_     (29) XXVIII. Nunc quidem tristiciam habetis, iterum autem videbo vos
par003_25_ et gaudebit cor vestrum. lesemeister Franke, brudir Johan, der bewisit dri
par003_26_ dinc wa rumme sich der mensche billiche betrubit in disme lebine, und sundir-
par003_27_ lichin dar vur daz niman weiz wi guit he si, ob he in der minne Godis oder
par003_28_ in deme zorne Godis si.
par003_29_     (30) XXIX. Emitte spiritum tuum et creabuntur. meister Hane der
par003_30_ calmellita lerit wi sich des menschin geist richtin sal noch Godis geiste und
par003_31_ noch engelis[2vb]chin geisten und noch redelichin menschelichen geisten, di den
par003_32_ heilegen geist inphaen sal tegeliche.
par003_33_     (31) XXX. Tres sunt qui testimonium dant in celo. hi bewisit der lese-
par003_34_ meister brudir Florencius fon Utrecht waz daz si daz undirscheit mache
par003_35_ undir den dri personen in gotlicher nature, und ouch daz der personen wedir
par003_36_ minner noch me in der gotheit mac gesin.



par004__1_          Incipiunt themata secunde partis.


par004__2_     (32) I. Scimus quoniam diligentibus deum omnia cooperantur in bonum.
par004__3_ hi bewisit lesemeister Eckart Rube daz undirscheit daz da ist swischin der
par004__4_ gnade und tugindin beide di da heizin virtutes theologice, daz sint gotliche
par004__5_ duginde, und di da hezin virtutes intellectuales, daz sint fornuftliche tuginde,
par004__6_ und virtutes morales, daz sint sitliche tuginde, und da noch fon den gabin dez
par004__7_ heligen geistes, da noch fon [3ra] den fruchtin des heiligen geistes und der sint
par004__8_ zwelfe, und da noch fon den acht selickeidin. dit undirscheidit he und ordint
par004__9_ ez alse ein allis volgit deme anderin.
par004_10_     (33) II. Quasi stella matutina in medio nebule etc. meister Eckart
par004_11_ wisit hi sine meisterschaft, wi Got ist ubir wesin und wirkit uber wesin, und
par004_12_ wi Got ist ubir allis daz man gesprechin oder gedenkin mac, und bewisit daz
par004_13_ bit glichnissen alse bi der sele und bi dem nu der ewekeit, und lerit ouch wi
par004_14_ di sele sal bi dem ewigin worte sin eyn biwort.
par004_15_     (34) III. Consideravit semitas domus sue et panem etc. hi lerit meister
par004_16_ Eckart wi man forsteit bi deme hus di sele und bi den stigin di crefte der
par004_17_ sele und wi sich di dri crefte der sele einin und gizin sich in die gotliche duginde.
par004_18_     (35) IIII. In omnibus requiem quesivi. hi lerit brudir Johan Franke
par004_19_ der lesemeister wi Got ruwite an sinen werkin du he si geschuf, alse eyn
par004_20_ werc[3rb]meistir tut wan he sine kunst, di he in dem herzin hat, brengit in
par004_21_ daz bilde, und wi di sele ruwin sal in Gode.
par004_22_     (36) V. In omnibus requiem quesivi. hi bewisit meistir Eckart daz
par004_23_ der schepper allir creature meinte ruwe du he di creature schuf, und daz
par004_24_ di sele ouch an al iren werkin suchit ruwe, si wissis oder inwissis nicht, und
par004_25_ allir creature naturliche begerunge meinit ruwe, und daz bewisin si an iren
par004_26_ werkin.
par004_27_     (37) VI. Que est ista que ascendit quasi aurora consurgens. in disir
par004_28_ predigate lerit meistir Eckart und bewisit dri wirdikeit unsir vrowin: daz
par004_29_ erste von irre gebort, daz andir von irme heilegin lebine uf ertriche, daz dritte
par004_30_ von der wirdekeit daz si Godis mudir ist.
par004_31_     (38) VII. Diliges dominum deum tuum ex toto corde tuo et ex tota anima
par004_32_ tua. hi lerit brudir Albracht von Driforte der lesemeistir von drigirleige
par004_33_ minne, di di sele habin sal zu unsime herrin Ihesu Christo.
par004_34_     (39) VIII. Maiorem hac dilectionem nemo habet ut animam suam ponat.
par004_35_ hi [3vb] bewisit brudir Gisilher der lesemeistir dri edilkeit der libe for allin
par004_36_ creftin.
par004_37_     (40) IX. Non est deus preter te deus Israel. hi biwisit brudir Herman
par004_38_ der lesimeistir von Lofeia daz fornuft dri edilkeit hait an ir vor allin creftin.
par005__1_     (41) X. Hec est vita eterna ut cognoscant te solum verum deum et quem
par005__2_ misisti Ihesum Christum. in disir predigade dispitirit brudir Gisilher von Slat-
par005__3_ heim, der lesimeister was zu Kolne und zu Ertforte, widir di barfuzin und
par005__4_ bewisit daz diz werc der fornuft edilir ist dan diz werc dez willen in deme
par005__5_ ewigin lebine, und bricht di bant der barfuzin id est argumenta meisterliche.
par005__6_     (42) XI. Non sunt condigne passiones huius temporis etc. hi bewisit
par005__7_ meistir Eckart daz zweigirleige lidin ist. mit dem einin lidene hi in der zit
par005__8_ fordinit man lon. mit dem anderin lidine in dem himmilriche nimit man daz
par005__9_ lon in, daz ist mit der lidinden fornuft.
par005_10_     (43) XII. Qui videt me videt et pa[3vb]trem meum. hi lerit brudir
par005_11_ Helwic fon Germar, der lesemester waz zu Erforte, wi der lidindin fornuft
par005_12_ oder der mugilichin fornuft, daz allis eyn ist, wi ez ir mugilich si daz si daz
par005_13_ gotliche licht in ir lidit, da fon di sele selic ist in himmilriche, und wi man
par005_14_ kume fon bekentnisse des sonis zu bekentnisse des vadir.
par005_15_     (44) XIII. Estote parati, quia nescitis quando dominus veniet. hi lerit
par005_16_ brudir Eckart Rube lector wilche wis di sele sich bereidin sal, daz ist itzunt
par005_17_ oder zuhant, und bewisit warumme man ez nicht ufzihin sal und wi di zwo
par005_18_ crefte der sele, fornuft und wille, Got nemin sullen.
par005_19_     (45) XIIII. Renovamini spiritu mentis nostre. hi bewisit brudir Eckart
par005_20_ Rube lector, wan di sele ist geschaffin zu dem bilde Godis und in ist diz bilde
par005_21_ an ir nicht, wi ez geschehe daz diz bilde vollinkumin an ir werde wedir in
par005_22_ dem wesine der sele oder in den creftin [4ra] der sele oder in den werkin
par005_23_ der crefte.
par005_24_     (46) XV. Beatus homo quoniam invenit sapientiam. meistir Eckart der
par005_25_ alde sagit hi von zwegerleige wisheit und von zweigerleige selekeit, di von in
par005_26_ kumit, dat ist von gotlicher wisheit und von forgenclicher und wertlicher
par005_27_ wisheit.
par005_28_     (47) XVI. Elizabet pariet tibi filium et vocabis nomen eius Joannem.
par005_29_ in disir predigade bewisit meistir Eckart wilche wis der engil sich offinbarit
par005_30_ den menschen und der sele, und wi di sele sin sal in der gnade wirkin sal.
par005_31_     (48) XVII. Quid putas puer iste erit? hi bewisit meistir Eckart wi
par005_32_ Got di helege drivaldekeit gewirkit habe an disime kinde und wi he mit der
par005_33_ sele wirke, biz daz he si brengit in ewikeit.
par005_34_     (49) XVIII. Sancti per fidem vicerunt regna. hi lerit meister Eckart
par005_35_ daz man obirwindin sal virleige riche, daz man unsis herrin Ihesu Christi riche
par005_36_ obirwindin sal mit craft der minne.
par005_37_     (50) XIX. Qui manet in me et ego in eo, hic feret fructum multum. hi
par005_38_ bewisit meister [4rb] Eckart wilche wis di sele frucht brenge di da wonit in
par005_39_ Gode und in der Got wonit.
par006__1_     (51) XX. Dimissa turba ascendit Ihesus in montem. meister Eckart
par006__2_ lerit hi daz di sele ufstigin sal pobin ir nature, di Godis lere inphahin wil
par006__3_ und die hohe gotlicher nature schauwin wil und der godelichin suzzikeit
par006__4_ smeckin wil.
par006__5_     (52) XXI. Predica verbum. hi lerit brudir Helwic von Germar lector
par006__6_ wilche wis di sele daz ewige wort uz ir spreche und gebere.
par006__7_     (53) XXII. Querite primum regnum dei. brudir Albracht von Driforte
par006__8_ lesemeister lerit hi waz zu deme suchene Godis richis gehorit und waz in allir
par006__9_ meist dar zu furderit.
par006_10_     (54) XXIII. Omnes querebant eum tangere, quia virtus de ilo exibat.
par006_11_ hi lerit meister Hane der carmellita wilche wis di sele gesuont werde di Got
par006_12_ rurit, wan etliche richint Got, etliche...
par006_13_     (55) XXIIII. Nisi granum frumenti cadens in terram mortuum fuerit.
par006_14_ in disir predigade lerit meistir [4va] Eckart wi di sele ir selbir intwerdin sal
par006_15_ und allin creaturen, ob si inphenclich sal werdin gotliches wesines und gotliches
par006_16_ lebines.
par006_17_     (56) XXV. Illumina oculos meos. hi lerit sente Dyonisius daz die sele
par006_18_ muz habin drigirleige licht, di da kumin sal zu dem luterin bekentnisse Godis.
par006_19_     (57) XXVI. Puella surge. hi uf dit wort lerit meistir Eckart di sele
par006_20_ uf stein und sich richtin in Got mit iren creftin durch viere edilkeit, di si vindit
par006_21_ in Gode.
par006_22_     (58) XXVII. Puella surge. uf dit wort lerit meistir Eckart wi Got
par006_23_ mit sinre geistlichkeit wirkit in sich der sele geistlichkeit, und bewisit daz mit
par006_24_ glichnissen und lerit waz da zu forderit und ouch hinderit.
par006_25_     (59) XXVIII. Homo quidam erat dives et induebatur. hi bewisit meistir
par006_26_ Eckart daz alliz daz Got wirkit, daz he daz wirkit in virnuftikeit, und wi he
par006_27_ blibit ungenant fon allin sinen creaturen und wi sin rich[4vb]heit ligit an funf
par006_28_ stuckin und wi alle creature sich mit Gode forenint, und daz di sele blibit
par006_29_ ewecliche in dem willen da si inne stirbit.
par006_30_     (60) XXIX. Domine rex omnipotens, in dicione tua cuncta sunt posita.
par006_31_ hi sagit meister Eckart fon gotlicher herschaft und war ane di lige und wi
par006_32_ daz ubirste gut ist geordinit zu der sele und wi di sele sinen influiz inphehit
par006_33_ und wi di sele mit ime minnit und kennit.
par006_34_     (61) XXX. Vidi civitatem sanctam Jerusalem novam descendentem de
par006_35_ celo etc. hi bewisit meistir Eckart wi di sele glichit sich Jerusalem und wo
par006_36_ fon si helic wirdit und wi daz gotliche licht fuonfleige ludin irschinit.
par006_37_     (62) XXXI. Ecce nova facio omnia. hi an disime sermon lerit ein bar-
par006_38_ fuzzin lesemeistir wi sich di sele haldin sal di ein glich nochvolgin wil habin
par006_39_ der di in deme ewigin lebene sin. abir di brudere und lesemeistere in predigere
par007__1_ ordine inhaldin nicht einis wortis daz her sezzit [5r] und sprichit daz daz allir
par007__2_ hohiste werc und diz groiste der seligin in himmilriche daz si minne. ez ist
par007__3_ bekentnisse, sprechin di predigere, und habin wor, wan Christus sprichit:
par007__4_ 'hec est vita eterna ut cognoscant te solum verum deum et quem misisti
par007__5_ Ihesum Christum'.
par007__6_     (63) XXXII. Estote misericordes sicut pater vester celestis misericors.
par007__7_ hi an disin wortin lerit brudir Florencius der lesemeistir wi Got fon siner
par007__8_ gotlichen barmeherzekeit gibit uns dri gabe, di da sin ubir alliz daz Got
par007__9_ gegebin mac. daz ist di gabe der gnade und di gabe sines lichamin und die
par007_10_ gabe der ewegin selikeit.
par007_11_     (64) XXXIII. Consolaciones tue letificaverunt animam meam. hi lerit
par007_12_ brudir Eckart Rube, wi innekeit und andacht und gnade und gotlich troist
par007_13_ undirscheit habin.


uo: (Par 2_21, 6_11, 6_36) = [ů]
[Index] [Überblick] [Nächste Predigt]
Autor:Niels GÜLBERG
e-mail: guelberg@waseda.jp
Last updated: 03.12.06