Paradisus anime intelligentis (Pr. 13)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Prima pars.

13. Hermann von Loveia.

Sermo de tempore.


par033__5_     XIII. [25v] 'Ubi est qui natus est rex Judeorum'? dit kint ist ein adamas
par033__6_ daz da zoch di hertin herzin der hedenischin kunige, daz si quamin fon
par033__7_ verrin landin zu suchine dit kint dar ane, daz si sprachin: 'wo ist der
par033__8_ geborn ist'? hi ane ist uns bewisit di grundelose materie dissis kindis, und ist
par033__9_ diz sin eginlichiste name. den gap he ume selbe, du he sprach zu Moises:
par033_10_ 'sprich, der da ist der hait mich gesant', und he nante sich auch: 'ich bin
par033_11_ di da bin'. wesin geit for allir follincuminheit, wan ez inist kein dinc helic
par033_12_ noch gut, ez insi ez inhabe wesin. wesin hait in ume beslozzin alle vollin-
par033_13_ cuminheit. hir umme heizit in Dyonisius ein wesin in deme alle vollincumin-
par033_14_ heit ist. he sprichit ouch: Got ist ein vinsternisse, nicht daz he ein vinster-
par033_15_ nisse si, sunder fon der unbegriflichkeit sines grundelosin lichtis heizit he ein
par033_16_ vinsternisse. und alse vinsternisse ist abenemin oder abevallin, also ist der
par033_17_ name abevallin allir der dinge di wir ume zu gelegin mugin. wan wir
par033_18_ sprechin 'Got ist guit', da mide neme wir ume alle sine gude. probacio: alse
par033_19_ wir sprechin 'daz dinc ist guit', so spreche wir daz etwaz si da fon ez sine
par033_20_ gude hait, daz ist creature. wan he Got ist, so inist he nicht guit, mer he ist
par033_21_ di guitheit. daz di materie dissis kindis grundeloiz si, daz prufe wir bi drin
par033_22_ dingin. daz eine ist daz di worheit der gotheit umbegriflich ist allin fornuftin
par033_23_ englis und menschin. daz andere daz di unbefleckite gude der gotheit nich ge-
par033_24_ vassit mac werden in der begerunge. daz dritte daz di einveldikeit gotliches
par033_25_ wesines nicht geteilit inwirdit fon allin den werkin di he ie geworchte oder
par033_26_ noch gewirkin mochte. daz di worheit gotliches wesines unfornemelich si allin
par033_27_ fornuftin, des habe wir ein glichnisse in der heligin schrift, daz ein forhanc
par033_28_ was gehangin [26r] for daz helictum der heligin, und der ubirste prister under
par033_29_ den juden, di ur houbit was undir un alse der babist under uns, der ginc
par033_30_ alleine einis in deme jare zu sehine daz helictum. der uberste prister ist dit
par033_31_ kint daz eines in deme jare, daz ist eine wis, sach one mittil di gotheit und
par033_32_ nicht allis daz in Gode ist, sundir alliz daz daz Got geschaffin hait und noch
par033_33_ schepphin wil. aber daz Got noch geschepphin mochte, des inkante di sele
par033_34_ nicht, wan si ein creature ist di maze hait.
par033_35_     Ez was ein wondir daz gotliche nature und mensliche nature also forenit
par033_36_ warin an der personen des Godis sonis, daz ur iclich behilt an ume daz sine. da
par033_37_ fon hatte di sele daz si Got bekante one mittil. daz ir der helige geist one maze
par033_38_ wart gegebin, daz sal man wole fornemin: nich also one maze daz der heilige
par033_39_ geist gebe der sele alliz daz he gegebin mochte, so were di sele got gewest;
par034__1_ was creature inphahin mochte, daz hatte di sele Ihesu Christi. hi fon nemen
par034__2_ etliche ein sache daz si sprechin, wan di sele Ihesu Christi ein creature ist di
par034__3_ maze hait, daz ouch ein ander sel mochte cumen zu deme zile und zu deme
par034__4_ lone der sele Ihesu Christi; wen kein zil ist deme menschin gesast an sime zu-
par034__5_ nemine, so mochte ein mensche also lange lebin und alle zit zu nemin, sprechin
par034__6_ si, daz he queme zu sime zile. daz des nicht gesin inmac, daz prufe wir bi
par034__7_ dirre rede. di suonne ist ein clar licht. neme wir nu daz diz fuir zuneme, also
par034__8_ daz ez in sich breche alliz daz diz fuir inphahin mochte, so worde die hitze
par034__9_ gemerit und worde ouch daz licht gemerit. abir wi file ez zu nimit, so incumit
par034_10_ ez doch nummir zu der clarheit der sunnen di alliz in einir wise schinit. also
par034_11_ inmac nummir kein sele so vil zugenemen daz si ummir cumme zu der vollin-
par034_12_ cumin[26v]heit der sele Ihesu Christi. daz hait si da fon daz si mit der
par034_13_ gotheit forenit was. daz dise worheit umbegriflich si allin fornuftin, daz prufit
par034_14_ sente Augustinus mit disir rede und sprichit: 'waz di fornuft begrifin sal oder
par034_15_ bekennin, daz zuhit si in sich und wirdit gemezzin noch der fornuft'; noch
par034_16_ dan vindit di fornuft daz si lere ist und vil me bekennen mac, und ie subtilre
par034_17_ daz ist daz si bekennit, ie me si bereit wirt zu bekennine. daz prufe wir bi
par034_18_ den meisteren: ie me kunst si habin, ie kunstiger si mugin werdin. bekennit
par034_19_ di fornuft daz subtil ist, baz bekennit si daz grobir ist. also mac di fornuft
par034_20_ alle dinc begrifin und blibit doch lere. dar umme heizit der mensche di minre
par034_21_ werlint, wan he allir dinge bilde in sinir fornunft begrifin mac. hir ane prufit
par034_22_ Augustinus di unbegriflichkeit der gotlichen warheit di alleine di fornuft
par034_23_ irfullin mac und doch unbegriffin blibit fon der fornuft. daz andere ist daz di
par034_24_ unbefleckite gude der gotheit nicht mac gevazzit werdin mit der begerunge.
par034_25_ da fon sprichit sente Bernhart: di minne da mide wir Got soldin minnen, di
par034_26_ solde sin one maze, und di wise der minne solde sin one wise fon siner wen,
par034_27_ abir fon unsir wen inmac des nicht gesin, wan wir maze habin. alleine der
par034_28_ begerunge kein zil gesast ist, si inmuge Godis und allir dinge begerin, si
par034_29_ inmac un doch nicht gevazzin, wan si eine maize hait. daz dritte ist daz di
par034_30_ einveldikeit gotliches wesines nicht geteilit inwirt fon allin den werkin di got
par034_31_ ie geworchte und noch gewirkin mochte. daz prufe wir bi glichime. daz fuir
par034_32_ teilit sine craft anderen dingin daz ez si hitzit, abir wi vile ez di dinc hitzit,
par034_33_ so ist doch di hitze grozir in ume selbir dan in allin den dingin di iz irhitzit.
par034_34_ gebe daz fuir alliz daz ez gegebin mochte, [27r] doch daz da blibe daz were
par034_35_ wichtiger und wesilicher in ume selbir dan in allen den dingin da ez in wirkit.
par034_36_ worchte Got alliz daz he formochte zu wirkine, da fone inworde sin einvaldi-
par034_37_ keit nicht geteilit noch geminnerit. mochte sin einvaldikeit geteilit oder geme-
par034_38_ zigit werdin von sime uzfluzze, so hettin Maria oder ein andir heilege lange
par034_39_ begriffin waz werde uns dan. hait einer hunderit marc, alse he di forgibit, so
par035__1_ inhait he numme zu gebine. mer Godis uzflizin irfullit alle dinc und he in-
par035__2_ wirdit da fon nicht geteilit noch geminnerit. bide wir etc.


uo: (Par 34_7) = [ů]
[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.22