Paradisus anime intelligentis (Pr. 34)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

34. Meister Eckhart.

Sermo de sanctis.


par077_14_     III. 'Consideravit semitas domus sue et panem otiosa non comedit'. in
par077_15_ deme buche der wisheit stent dise wort geschribin und mac man si predigin
par077_16_ fon einir iclichin heligin sele und sundirlichin fon sente Elizabet. nu sprichit
par077_17_ Salomon in Proverbiis: 'si hait gemirkit di stige iris husis und inhait ir broit
par077_18_ nicht muzic gessin'. dit huis meinit genzliche di sele und di stige des husis di
par077_19_ crefte der sele. ein meister sprichit daz di sele [63r] ist gemachit schussen eime
par077_20_ und zwein. diz eine ist di ewikeit, di sich alleine heldit und war ist. daz
par077_21_ andere ist di zvei, daz ist di zit di sich wandilit und manicvaldic ist. he wil
par077_22_ sprechin daz di sele mit den ubersten creften rurit di ewikeit, daz ist Got, und
par077_23_ mit den nidersten creftin rurit si di zit und da fon wirdit si wandilhaftic und
par077_24_ neigit sich uffe lipliche dinc und dafon wirdit si fortôrit. mochte di sele Got
par077_25_ gentzliche bekennen alse di engle, si inwere ni in den lichamen cumen. mochte
par077_26_ si Got bekennen on di werlint, di werlint inwere ni durch si gemachit. dar-
par077_27_ umme ist di werlint durch si geschaffin daz der sele augin gesterkit werdin
par077_28_ daz si daz gotliche licht gelidin mac. alse der sonnen schin der sich nicht ir-
par077_29_ guzit uf daz ertriche, he inwerde bewonden in der luft und gebredit uffe andere
par077_30_ dinc, so inmochtin ez des menschin augin nicht gelidin. also ist daz godeliche
par077_31_ licht also ubercreftic und clar daz ez der sele augin nicht gelidin mochtin, ez
par077_32_ in worde gestedigit und uf getragin bi materien und bi glichnissen und also ge-
par077_33_ wenit und geleidit in daz gotliche licht.
par078__1_     Mit den uberstin creftin rurit di sele Got, da fon wirdit si gebildit noch
par078__2_ Gode. Got ist gebildit noch ume selber und fon nimanne me. sin bilde ist daz
par078__3_ her sich durchkennit und alleine licht ist. wan her in di sele rurit mit rech-
par078__4_ time bekentnisse, so ist si ume glich an deme bilde. druckit man ein ingesigele
par078__5_ in ein grune wais oder in ein roit wais, daz ist alliz ein bilde. wirdit daz in-
par078__6_ gesigile genzliche gedruckit durch daz wais, daz diz wasis nicht uberblibit, ez
par078__7_ insi zumale gedruckit in daz ingesigile, so ist ez ein mit deme ingesigile on
par078__8_ undirscheit. also [63v] wirdit di sele mit Gode gentzliche foreinit an deme bilde
par078__9_ und an deme glichnisse, alse si un rurit an rechtime bekentnisse. Augustinus
par078_10_ sprichit daz di sele also hoch und also edile ist geschaffin uber alle creature
par078_11_ daz kein forgenclich dinc daz an deme jungisten tage forgein sal, in di sele
par078_12_ gesprechin inmac noch gewirkin on undirscheit und one bodin. daz sin di augin
par078_13_ und di orin und di anderin sinne: daz sint di stige da di sele uz geit in di
par078_14_ werlint, und in den stigin geit di werlint wider zu Gode. ein mestir sprichit
par078_15_ daz di crefte der sele mit grozir ilikeit sullin laufin widir in di sele; alse si uz
par078_16_ gein, so brengin si io etwaz wider in. darumme sal der mensche flizicliche be-
par078_17_ luchtin sine fimf sinne, daz si icht inbrengin daz der sele schedelich si. daz
par078_18_ ist gewis: waz der gude mensche sihit, des wirdit he gebezzerit. sihit he bose
par078_19_ dinc, so dankit he Gode daz he un bewarit hat, und bidit for genin daz un
par078_20_ Got bekere an deme ez ist. sihit he gude dinc, des gerit he daz es an ume
par078_21_ vollinbracht werde.
par078_22_     Dit sehin sal zwivaldic sin: daz man abe tu daz schedelich si, und daz wir
par078_23_ zu buzin daz uns gebrichit. di da file vastin und file wachin und groze werc
par078_24_ tun und inbezzeren uren gebrechin nicht und ure side, da daz ware zunemen
par078_25_ ane lit, si trigin sich selbir und sint des tufilis spot. der mensche worde wer-
par078_26_ liche an tuginden riche der da prufite, da her allir krenkis ane were, daz he
par078_27_ da zu buzite und daz her sinen fliz dar ane kerte daz her daz uberwonde. dit
par078_28_ hatte flizicliche getan sente Elizabeth. si hait flizicliche besehin di stige uris
par078_29_ husis. dar umme invortit si den wintir nicht, wan ir gesinde [64r] was zwivalt ge-
par078_30_ cleidit. wan was ir geschadin mochte, da hatte si ir hude fore. wes ir ge-
par078_31_ brach, da karte si uren fliz zu daz ez ir vollincumen wart. darum in hatte si
par078_32_ ir broit nicht muziclichin gezzin.
par078_33_     Der hohisten crefte sint dri. di erste ist bekentnisse, di andere irascibilis, di
par078_34_ dritte ist wille. wan sich di sele zuhit an daz bekentnisse der rechtin warheit, ain di
par078_35_ einvaldigin craft da man Got ane bekennit, da heizit di sele ein licht, und Got ist
par078_36_ auch ein licht, und wan sich daz gotliche licht guzit in di sele, so wirdit di sele
par078_37_ mit Gode foreinit alse ein licht mit lichte. so heizit ez ein licht des glaubin, und
par078_38_ daz ist ein gotliche tugint. und dar di sele mit iren creftin nicht cumen inmac,
par079__1_ da treit si der glaube hine. daz andere ist ein uf criginde craft, der werc ist
par079__2_ daz di sele in der craft genzliche si uf criginde. alse deme augin eigin ist daz
par079__3_ ez sehe gesteltnisse und varwe, und deme orin eigin ist daz ez hore suzin luit
par079__4_ und stimme, also ist der sele ein eigin werc daz si in der craft on underlaiz uf
par079__5_ stiginde ist, und sihit si besiden, so vellit si an hohin muit, daz ist sunde. si
par079__6_ inmac nicht gelidin daz icht pobin ir si. ich wene joch daz si icht gelidin muge
par079__7_ daz pobin ir si, ez insi in ir und si inhabiz alse guit alse her selber, so inmac
par079__8_ si nummir geruwin. an disir craft wirt Got begriffin an der sele alse verre alse
par079__9_ ez ist der sele muglich, und so heizit ez eine hoffenunge; des ist ez auch ein
par079_10_ gotlich tugint. an der hait di sele so groze zuforsicht zu Gode daz si des
par079_11_ dunkit daz Got in allime sime wesine nicht inhabe, ez insi ur muglich zu in-
par079_12_ phahine. Salomon sprichit daz forstolne wazzir su[64v]zir sin dan andir wazzir.
par079_13_ sente Augustinus sprichit: 'di birin warin mir suzir di ich forstail, dan di min
par079_14_ mudir caufte, darumme daz si forborgin warin und besloszin'. also ist der sele
par079_15_ vil suzir di gnade di si mit sunderlichir wise ircrigit, dan di allin ludin gemene
par079_16_ ist. di dritte craft daz ist der innewendige wille: des antlitze ist allezit zu
par079_17_ Gode gekart, daz ist in gotlichin willin, und schephit fon Gode di minne in sich.
par079_18_ da wirdit Got gegozzin durch di sele und di sele in Got und heizit ez ein got-
par079_19_ lich minne, und daz ist auch ein gotlich tugint. gotlich follincuminheit lit an
par079_20_ zwein dingin, daz ist an bekentnisse daz her sich selber unendelich bekennit;
par079_21_ daz andere ist warheit, daz her unbegriffin, unbetwungin blibit fon allin sinen
par079_22_ creaturen, unde an vollincumener gnugide daz her sich ume selber und allir crea-
par079_23_ ture gnugit. dar ane lit auch der sele vollincuminheit, an bekentnisse und an
par079_24_ begrifunge daz si Got begriffin hait, und an foreinunge vollincuminir minne. und
par079_25_ wol wil wizzin, waz sunde ist? daz ist ein abekerin fon der selikeit und fon
par079_26_ der tugint, da fon cumit alle sunde. dise stige sal auch besehin ein iclich helic
par079_27_ sele. darumme infortit si den wintir nicht, wan ir gesinde auch gecleidit ist
par079_28_ mit zwivaldigin cleiderin, alse di schrift von ir sprichit. si was gecleidit mit
par079_29_ der sterke zu widirstene allir unvollincuminheit und was gezirit mit der wor-
par079_30_ heit. dise frauwe sente N. oder Elizabet was in richtumme und in erin uz-
par079_31_ wendic gegin der werlinde und inne wendic hatte si war armude, und du er
par079_32_ de uzwendige troist abeginc, du floch si zu deme [65r] alle creature und
par079_33_ forsmehite di werlint und sich selbir. und da mide quam si uber sich selber
par079_34_ und forsmehite daz man si forsmehite, also daz si sich da mide nicht bewar
par079_35_ und daz si ure vollincuminheit darumme nicht inliez. si gerte daz si sichen und
par079_36_ unfledige lude weschin und handelin muiste mit eime reinen herzin. rogemus etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.28