Paradisus anime intelligentis (Pr. 43)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

43. Helwic von Germar.

Sermo de sanctis.


par095_14_     XII. 'Qui videt me, videt et patrem meum'. sente Johannes bescribit dise
par095_15_ wort und sprichit dise wort Christus: 'wer mich sihit, der sihit minen vader', und
par095_16_ sprichit auch: 'ich bin in deme vadere und der vader ist in mir'. sente Au-
par095_17_ gustinus sprichit: 'visio est tota merces. daz angesichte Godis daz ist der sele
par095_18_ lon zu male'. bekentnisse und sehin hait groiz underscheit. hi bekennit man,
par095_19_ aber in deme himmilriche sal man sehin. man sal Got sehin alse verre alse ez
par095_20_ ist der creature mugilich zu begrifine, und daz ur inplibit, daz si nicht gesehin
par095_21_ inmac, des in sal si nicht geleubin, mer si sal ez sehin daz si ez nicht begrifin
par095_22_ noch vol sehin inmac, und da ligit ir freude inne. Got ist in allin dingin, und
par095_23_ da fon ist daz man un dar inne nicht inkennit, daz di dinc sich selbir nich
par095_24_ forlisin noch fornichte cunnen. alle unse bekentnisse daz muze wir hi nemen
par095_25_ fon disin dingin, und daz hohiste da wir hi in disime lebine zu mugin cumen,
par095_26_ ist daz wir di selbin dinc da inne wir Got irkennen, wole abe cunnen gescheidin
par095_27_ und nidir gedruckin. 'Philippe, der mich sihit, der sihit minen vadir auch'. ez
par095_28_ sint zwo bekentliche crefte noch deme ubersten der sele. eine di wirkinde for-
par095_29_ nuft, di andere ein lidinde oder ein muglich fornuft. [78v] di wirkinde fornuft
par095_30_ inmac Got nicht irkennen weder fon nature noch fon gnadin, und dit ist di
par095_31_ sache: waz der nature gemeine ist, da inmac si sich nicht ubir irhebin. wan
par095_32_ dan Got und di sele nicht sint einer nature, darumme inmac si nicht in un ge-
par095_33_ tredin. ein ander sache ist, waz da etwaz inwirkit, daz vollinbrengit daz in
par095_34_ daz ez wirkit, alse di sonne vollinbrengit di luft. nu inmac Got nicht vollin-
par095_35_ bracht werdin fon keinir creature, darumme inmac he nicht bekant werdin
par095_36_ fon dirre craft, aber di lidinde fornuft inmac Got nicht bekennen fon nature,
par095_37_ mer si formac ez fon gnadin, wan was da inphehit, daz wirdit follinbracht
par096__1_ fon deme daz ez inphehit. da fon dan daz dise craft Got in sich inphahin
par096__2_ mac und sin werc lidit, daz si follinbrengit, da fon wirdit si da zu irhabin daz
par096__3_ si Got irkennen mac. alse diz fuir fon siner nature nicht inhait wan daz ez
par096__4_ burne und hitze, aber fon sinir materien wein hait ez eine muglichkeit daz ez
par096__5_ ein ander mac werdin alse wazzir und under wazzeris formin keldin alse wazzir:
par096__6_ also hait di sele eine muglichkeit daz si Got in ur lidit, der si vollinbrengit
par096__7_ und also uz ir selbin irhebit, daz si un bekennen mac. also habe wir di mug-
par096__8_ lichkeit der sele Got zu bekennine.
par096__9_     Man sal mirkin wi man fon bekentnisse des sonis cumit zu deme bekent-
par096_10_ nisse des vader. Philippus sprach: 'wise uns den vader'. under allin den dingin
par096_11_ di wir irkennen mugin, so inist nicht daz also sere vlihe bekentnisse alse di
par096_12_ materie, und ein iclich dinc da noch daz ez der materien neher ist, da noch ist
par096_13_ ez uns unbekentlicher, wan materie inist nicht ein dinc daz da an ume selbin
par096_14_ si, mer daz ez sin mac, und waz da nicht inist, daz inmac man auch nicht be-
par096_15_ kennen. alliz daz da bekenntlich ist fon ume selbin one [79r] fremde helfe, daz
par096_16_ mac auch bekenne. etliche dinc insint nicht bekentlich und bekennen doch fon
par096_17_ un selber andere dinc und nicht sich selber, alse di sele bekennit andere dinc
par096_18_ und inmac sich selbin nicht bekennen. wan da mide daz si andere dinc be-
par096_19_ kennit, da mide kennit si sich auch, alse der hedenische meister sprichit: 'wan
par096_20_ da fon daz si bekennit daz ein coile noch ein bein nicht ingeit noch infornimit,
par096_21_ da fon geit si in sich und bekennit daz si daz formac fon der sele wein'. ez
par096_22_ enist nicht daz also bekentlich si alse Got. wan sin wesin ist zumale lutir und
par096_23_ unbetwungin, und sin wesin ist in ume gesaminit. darumme ist he aller bekent-
par096_24_ lichist, und alle geistliche dinc sint bekentlich, wan ir wesin lutir und unbe-
par096_25_ twungin ist. aber daz wir si nicht bekennin, daz ist fon krancheit unsis bekent-
par096_26_ nisses. Got hait sich zu unsime bekentnisse alse di sonne zu dem augin der
par096_27_ uwilin und des adilarn und des valkin. daz di uwile nicht insihit, daz ist urre
par096_28_ crankin augin schult; daz der valke und der adilar clerlicher ane sihit, daz leit
par096_29_ ein ander wort uz in Lucas buche, da her sprichit: 'niman inkennit den vader
par096_30_ wan der son und deme ez der son wil offinbarin', wan he ist di selbe nature
par096_31_ di der vader ist. der vader ist daz bekentnisse, der son di bekentlichkeit. waz
par096_32_ mac baz bekennen den vader wan bekentlichkeit des sones! daz he sprichit
par096_33_ 'niman', daz ludit also vil alse nicht inist daz da bekenne den vader wan der
par096_34_ son. daz he sprichit 'nicht', daz ludit alse vil alse ein lokenunge der personen.
par096_35_ vile daz wort uf di personen, so were ez valsch, wan so inkente sich der vader
par096_36_ selber nicht noch auch der helige geist. aber nimit man ez noch der nature
par096_37_ daz her sprichit 'nicht inkennit den vader dan der son' und daz diselbe nature
par097__1_ hat di der son hait, so ist ez wor; wan di selbe bekentliche nature di in [79v]
par097__2_ deme sone ist, di ist auch in deme vadere und in deme heligen geiste. darumme
par097__3_ sprichit he: 'niman inkennit den vader dan der son' und der di selbin nature
par097__4_ hait, daz ist der vader und der helige geist. darumme bekennen di personen
par097__5_ alle und ist ein einic bekentnisse der drien personen. alleine man ez deme sone
par097__6_ sunderliche gebe, daz ist fon der weine sines uzgangis, wan he alleine uzgeit
par097__7_ fon der fornuft. man sprichit gemeinliche daz der son si daz bekentnisse des
par097__8_ vader. ez ist wenic iman der dit forneme. di des wende daz der vader kein
par097__9_ ander bekentnisse hette wan daz he bekennit in deme sone alse in eime spigile,
par097_10_ daz were valsch. inbekente sich der vader nicht dan in deme sone, so were der
par097_11_ son ein orsprunc des vader, wan des vader bekentnisse ist sin wesin. bekente
par097_12_ der vader nicht dan in deme sone, so in were nicht undirscheit der personen in
par097_13_ Gode. ez ist drigerleige fluiz in Gode: der vader ist ein bekentlich nature in
par097_14_ ume selbin und fluzit in ume selbin in sinir nature, e dan he kenne oder icht
par097_15_ wolle, und fluzit mit alle deme daz he ist, substancie, wesin und nature, alliz
par097_16_ daz etwaz in Gode ist. darumme etwaz, wan der son enist etwaz, sunder zu
par097_17_ etwaz. e dan he bekenne oder wolle, so fluzit fon der eginlichkeit gotlicher na-
par097_18_ ture alse in deme vadere ist, di zwo personen. der andere fluiz ist da sich der
par097_19_ vader kerit uf sich selbin und bekennit sich selbin und alliz daz in ume ist,
par097_20_ sine wisheit, sine gude und sine barmherzikeit und alliz daz in ume ist, und
par097_21_ daz muiz he fon noit in ume bekennen und da inschephit he nicht. der dritte
par097_22_ fluiz ist sin wille, und di ist ein sache des uzfluzzis der creature, wan bekent-
par097_23_ nisse daz he di creature irkennit, enist nicht di sache des geschepnisses der
par097_24_ creature, mer sin wille, wan da fon daz he si wil, so sint si, nicht da fon daz
par097_25_ he si bekennit. der vadir ist ein orsprunc des bekentnisses. [80r] der son ist
par097_26_ daz bekentnisse, der heilige geist ist der da leidit oder furit daz bekentnisse in
par097_27_ des menschin sele. des ist ein glichnisse: alse der mensche trachtit, so wirkit
par097_28_ alle di craft dar in der sele, ist ez ein recht betrachtunge, und da ist daz wort
par097_29_ der sele daz bekentnisse. so ist da ein fuchtikeit, ein bredemichen, ez heizit in
par097_30_ deme latine ein geist, und treit daz bekant ist in der betrachtunge, in alle di
par097_31_ gelide des lichamen. daz huis daz da betrachtit wirdit, daz furit dirre geist in
par097_32_ di hant zu wirkine, daz wort in di zungin zu sprechine und zu lerine und also
par097_33_ in ein iclich glit des lichamen. also ist der vader diz orsprunc des bekentnisses,
par097_34_ der son ist daz bekentnisse und der heilige geist ist der da leidit oder brengit
par097_35_ daz bekentnisse in des menschin sele. wer nu Got wil bekennen, der sal irhabin
par097_36_ sin pobin allin creaturen. nu sal man mirkin daz wisheit dinit der sele, cluc-
par097_37_ heit den sinnen. wisheit ist alliz daz man ircrigin mac von eiginem wirkin;
par097_38_ alse daz man bekenne des himmelis lauf und der sterrin und daz man daz ert-
par097_39_ riche gemezzin kan und di tufe dez wazziris. dit zuhit und teilit alliz di sele,
par098__1_ wan ez an ume selbin geteilit ist, wan daz man des himmilis lauf irkennit, daz
par098__2_ ist ein andir wan daz man daz ertriche kan gemezzin. so ist cunst daz man
par098__3_ kan gewirkin dise lipliche werc: einer kan zimmerin, ein andir kan daz andere
par098__4_ werc, und dise kunste tragin alliz di sele uz. aber di sich hi mide stedeliche
par098__5_ bekummerin, den wirdit Got forborgin und gotliche offinbarunge. darumme
par098__6_ sprichit der ewangelista: 'vader himmilriches und ertriches, di dise dinc haist
par098__7_ forborgin for den wisin und den clugin dirre werlinde und hast si geoffinbarit
par098__8_ den cleinisten', daz ist den demudigin, [80v] di sich fon allin dingin inzihin und
par098__9_ insamenen, den wirt alleine geoffinbarit; wan ie ein dinc cleinir und me zu-
par098_10_ samene gezogin ist, ie ez creftiger ist, wan so samenit sich di craft. daz mirkit
par098_11_ man bi glichime: zehine zihin ein schif, wan so ist di craft gesaminet; zoge ez
par098_12_ ir iclich alleine, so were di craft geteilit und inmochtins nirgin brengin. wer
par098_13_ nu offinbarunge wil habin, der si cleine und gesaminet und si ein; wan ez ist
par098_14_ ein son uze einer gotlichin nature, wan he inteilit di nature nicht mit eime
par098_15_ anderin gebornen. daz uns daz gotliche bekentnisse werde, des helf uns Got.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.04