Paradisus anime intelligentis (Pr. 48)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

48. Meister Eckhart.

De sancto Johanne.


par108__3_     XVII. 'Quis putas puer iste erit? etenim manus domini cum ipso est'. an
par108__4_ disin wortin sulle wir mirkin dru dinc. daz erste [88v] di wirdikeit des meisteris,
par108__5_ da her sprichit: 'Godis hant ist mit ume'. di hant Godis bedudit den heligen
par108__6_ geist durch zwei dinc. daz erste, daz man mit der hant wirkit di werc, daz
par108__7_ andere, daz si ein ist mit deme lichamen und mit deme arme. wan alle werc
par108__8_ di der mensche wirkit mit der hant, di inspringint in deme herzin und tredint
par108__9_ furbaz in di gelide und werdin vollinbracht an der hant. darumme mac man an
par108_10_ disin wortin mirkin di helige drivaldikeit. den vader bi deme herzin und bi deme
par108_11_ lichamen: glicher wis alse der sele wesin allir meist ist in deme herzin, alleine
par108_12_ si an allin gliden vollincumelich ist und also vollincumen an dem minnistin alse
par108_13_ an deme groistin, doch is ur wesin und der gesprinc urre werke allirmeist in
par108_14_ deme herzin --: also ist der vader ein anegenge und ein gesprinc allir got-
par108_15_ lichin werke. abir der son ist bezeichint bi dem arme, alse unse frauwe sprach:
par108_16_ 'fecit potentiam in brachio etc.'. also tridit di gotliche craft furbaz fon dem
par108_17_ lichamin und arme in di hant, da der heilige geist bi bezeichint ist. und also
par108_18_ alse di sele bewonden ist in deme lichamin und in materielichin dingin, also
par108_19_ muiz man, waz man ur geistlicher dinge zu forsteine sal gebin -- di muiz man
par108_20_ uf nemen bi materielichin dingin. darumme nimit man den heiligen geist uf bi
par108_21_ der hant di daz werc geworcht hait an disime kinde.
par108_22_     Daz erste daz wir mirkin mugin, daz ist den menschin an dem Got
par108_23_ wirkin sal sin werc, da he sprichit: 'ein kint'. daz bedudit alse vil alse ein
par108_24_ lutir luft oder daz one fleckin ist. also sal di sele luter und reine sin, ob der
par108_25_ helige geist an ir wirkin sal. di schrift sprichit: 'ich bin bevestint in Syon und
par108_26_ hon geruwit an der luteren stait'. Syon sprichit alse vil alse ein hohe oder ein
par108_27_ warte. zu dem anderin mal sal si inzogin sin [89r] fon forgenclichin und manic-
par108_28_ valdigin dingin. zu dem dritten male sal si sin an der warte for zukunftigime
par108_29_ hindirnisse. daz andere, daz wir mirkin di wirkunge des heiligen geistes. niman
par108_30_ inmac luistliche gewirkin, he invinde sin glichnisse in dem da he ane wirkit.
par108_31_ solde ich einen menschin leiden, inphinge he nicht min glichnisse in sich, he in-
par108_32_ volgite mir nummir luistliche, wan nummir kein bewegunge noch werc wirdit
par108_33_ luistliche geworcht one glichnisse. also ist ez umme di volge. wan alle lude
par108_34_ muzin volgin, si wollin oder inwollin. volgin si ume willecliche, so ist ez un
par108_35_ luistlich. darumme hait Got fon der gunst, di he zu der sele hait -- so hait
par109__1_ he ur gegebin ein gotlich licht fon der zit daz si geschaffin wart, uf daz he si
par109__2_ in sines selbis glichnisse luistliche gewirkin mochte.
par109__3_     Nu inmac kein creature furbaz gewirkin dan si in ur hat. darumme in-
par109__4_ mac di sele uber sich selbin nicht gewirkin wan mit dem lichte daz ir Got
par109__5_ gegebin hait, wan ez ir eigin ist und ez ir Got gegebin hait zu einir morgin-
par109__6_ gabe in di ubersten craft der sele. wi daz licht Godis glichnisse si, so ist ez
par109__7_ doch geschaffin von Gode. wan der schepher ist ein und daz licht ein ander
par109__8_ und ist ein creature, wan er Got ie creature geschuffe, du was Got und vinster-
par109__9_ nisse und nicht licht. darumme cumit Got mit der libe zu der sele, uffe daz
par109_10_ her di libe sele irhebe, daz si uber sich selber gewirkin muge. nu inmac
par109_11_ liebe nicht gesin, si invinde glichnisse oder mache glich. also verre alse Got sin
par109_12_ glichnisse vindit in der sele, also verre wirkit Got mit der libe pobin der sele
par109_13_ craft, wan Got der ist endelos. darumme sal di libe endelois sin. lebite der
par109_14_ mensche tusint jar, he mochte zu nemin an der libe. alse man mirkin mac bi
par109_15_ dem fuire: also verre alse daz fuir hultz hait, alse verre wirkit daz fuir. [89v]
par109_16_ dar noch daz diz fuir groiz ist und der wint sere wêit, darnoch wirt daz fuir
par109_17_ groiz. darumme neme wir di libe uf bi dem fuire und den heligen geist bi dem
par109_18_ winde durch daz wirkin des heligen geistes in der sele. ie der wint, der hei-
par109_19_ lige geist, me wêit, ie daz fuir vollincumenir ist, doch nicht zu male, sunder al-
par109_20_ gemecheliche durch daz zunemen der sele, wan forbrente der mensche alzumale,
par109_21_ daz inwere nicht gut. darumme weit der wint algemechelich. solde ein mensche
par109_22_ tusint jar lebin, he mochte zunemen an der minne. zu deme drittin mole sulle
par109_23_ wir mirkin daz wonderliche werc daz Got wirkit an der sele, an den wortin:
par109_24_ 'was wondirs sal werdin fon disime kinde?' daz muiz sin fon noit daz ein iclich
par109_25_ gezauwe also verre reche alse der wercman wirkit, ob daz werc vollincumin
par109_26_ sin sal, wan der mensche ist ein gezauhe Godis, und noch der edilkeit des
par109_27_ meistiris wirkit daz gezauwe. darumme ingnugit der sele nicht daz der helige
par109_28_ geist in ur wirkit, daz he urre nature nicht inist, und alse ez auch me ge-
par109_29_ sprochin ist daz he ur gegebin hait ein licht, ein gotlich licht, daz ume glich
par109_30_ ist und alse mer alse sin nature, und daz ist der sele also eginlich gegebin daz
par109_31_ ez ein stucke ist der sele, daz he luistliche muge in ur wirkin. alse man mir-
par109_32_ kin mac bi deme lichte daz da wirkit noch der edilkeit der materien da ez uf
par109_33_ vellit. an deme holze wirkit ez sin selbis werc, daz ist hitze und fuir; an
par109_34_ boumin und an fuchtin dingin wirkit ez waschin, nicht sines selbis werc, daz
par109_35_ ist hitze, sunder daz si gerumen und frucht brengin. an lebendigin creaturen
par109_36_ wirkit ez lebin fon todin dingin, alse daz schaf daz grais izzit, und da fon
par109_37_ wirdit ein [90r] ore oder ein auge; an dem menschin wirkit ez selikeit, daz
par110__1_ cumit fon der gnade Godis, di irhebit di sele uf zu Gode und foreinit si mit
par110__2_ ume und machit si gotvar. sal di sele gotlich sin, so muiz si irhabin sin. solde
par110__3_ ein mensche uf einen torin rêchin, so muste he also hoch irhabin sin alse der
par110__4_ torn: also muiz di gnade di sele irhebin in Got. der gnadin werc ist daz si zu
par110__5_ habit und vollin zu habit, und wer ur nicht involgit, der wirt unselic. noch
par110__6_ ingnugit der sele nicht an der gnadin werke, wan si ein creature ist, si incume
par110__7_ da zu da Got wirkit in sin selbes nature, da der wercmeister noch der edilkeit
par110__8_ des gezauwis, daz ist sines selbis nature, da daz werc also edile ist alse der
par110__9_ wercmeister und der sich intgusit und di intgizunge alliz ein sin. Dyonisius:
par110_10_ 'di ubirstin dinc irgizin sich uf di nidirsten und di nidirstin in di ubirstin und
par110_11_ einigin sich in den ubirstin'. also wirdit di sele foreinit mit Gode und beslozin,
par110_12_ und da intglidit ir di gnade, daz si mit der gnade nicht me inwirkit, sunder in
par110_13_ Got gotliche. da wirdit di sele wondirliche bezobirit und cumit fon ir selber,
par110_14_ alse der einen trophin wazzeris guze in eine budin vol winis, daz si fon ur
par110_15_ selber nicht inweiz und wenit daz si Got si. ein cardenal fragite sente Bern-
par110_16_ hardin: 'warumme sal man Got minnen und wilche wis?' Bernhart: 'Got ist di
par110_17_ sache, darum man un sal lip habin. di wise ist one wise, wan Got inist noch
par110_18_ diz noch daz, daz man gesprechin mac, he ist ein wesin pobin alle wesin;
par110_19_ darumme sal di wise wiselois sin, da mide man un lip sal hon, daz ist also lip
par110_20_ alse man ummir mac: daz ist ane wise'. bide wir etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.12.05