Paradisus anime intelligentis (Pr. 54)


Bibliographie:
Textausgabe: Philipp Strauch [Hrsg.],
Deutsche Texte des Mittelalters Bd. XXX
Berlin [Weidmann] 1919.

Pars secunda.

54. Hane der Karmelit.

Sermo de sanctis.

[Paralleltext]


par118_12_     XXIII. 'Omnes querebant eum tangere, quia virtus de illo exibat, et sa-
par118_13_ nabat omnes'. du Got den erstin menschin geschuf, den hatte he also wol ge-
par118_14_ ordinet daz keine suchide mochte gevallin an un, wan ein guldine ketine ginc
par118_15_ fon der gotheit in di crefte der sele und durchginc di nidirstin crefte, also
par118_16_ daz si gehorsam warin den uberstin creftin. du inmochte keine suche gevallin
par118_17_ noch in lip noch in sele. du aber he daz geboit ubirtrait, du fil he in tot-
par118_18_ suchide und allez menslich kunne. daz inmochte nicht gelidin di grundelose
par118_19_ barmherzikeit Godis, di sich gemeinit allin creaturen, si inwolde cumen und
par118_20_ wolde sich wisin, daz si di suche wolde an sich nemen dar in di nature waz
par118_21_ gevallin. hirumme waz ez not, alle di gesunt woldin werdin, di muisten un
par118_22_ rurin in etlicher maze. Aristoteles und Plato, wan si un nicht inrurtin, dar-
par118_23_ umme inworden si nicht gesunt. fon urre wisheit lerne wir noch naturliche
par118_24_ kunst. hettin si un gerurit mit gelobin, so werin si gesunt wordin fon urre
par118_25_ suchide.
par118_26_     Sente Matheus sprichit: 'alle lude gertin un zu rurine'. ez sint einirleige
par118_27_ lude di richint Got, daz ist daz minniste fon dem menschin. di lude geint zu
par118_28_ der messe und gebint ur almusin, und ur andir lebin daz ist der werlinde. cu-
par118_29_ mint si zu der predigade, des fordruzit si. dise lude sint sich. so sint ander
par118_30_ lude di horint Got. daz sint di di gerne Godis wort horint, di sint auch sich,
par118_31_ [97r] wan ez ist fon nature. wan hortin si ez in der minne da mide si behaldin
par118_32_ mochtin blibin, so ledin si abe di gebrechlichkeit uris lebines, da si ane gerurit
par118_33_ werdin; nu lazin si es varin. nu wil ich prufin daz ez nature ist.
par118_34_ Daz lustsamiste lebin sundir gnadin ist lebin in eime luterin clarin be-
par118_35_ kentnisse fon nature. lebetin noch di hedenischin phaffin, si soldin Godis wort
par119__1_ gerne horin, wan si warin ir forstentnisse kerinde noch dem uberstin sunder
par119__2_ gelaubin. dise lude sint auch sich di Got alsus horint.
par119__3_     Ez sint lude di sehint Got: di sint drigir hande. di erstin sehint un fon
par119__4_ verrines in eime vinstirnisse. daz sin lude di Gode dinint, di hant also un-
par119__5_ ordenliche minne zu den creaturen: wanne si sich zu Gode soldin fugin, so sint
par119__6_ si sich ubinde in der unordenlichen minne, wan di creaturin sezin sich schussin
par119__7_ si und Got nicht wesinlich, sunder mit urin bildin, doch sehin si Got mit urme
par119__8_ geiste, wan ur lebin sere geneigit ist. ich inmeine nicht alleine den menschin,
par119__9_ mer auch andir creature. der geist were gerne drap und di sele wil blibin, und
par119_10_ alsus ist ein strit schussin deme geiste und der sele in deme einvaldigin wesine.
par119_11_ dise lude sint auch sich. di anderin di Got sehint, di sehint un clerlich und
par119_12_ doch mit eime mittile: daz sint di Got minnent pobin alle dinc. wistin si icht
par119_13_ daz wider Got were, daz leidin si abe. noch dan minnent si di dinc di si fon
par119_14_ Gode nicht intschedint. diz ist diz mittil darinne si Got sehint. dise lude lebint
par119_15_ und sint cranc, und ist alse deme sichin der dru dinc hait an ume. he informac
par119_16_ keine starke werc; daz he tuit, daz tuit he mit unlust. daz andere ist daz
par119_17_ ume sure dinc wol smeckint; daz dritte daz ume keine gude spise smeckit noch
par119_18_ urin werde. also ist disin ludin. allei[97v]ne lebint si, un ist doch swere zu
par119_19_ allin gudin dingin. alse si sich sullin mit Gode enigin mit etlicher maze alse
par119_20_ vil alse si mugin, daz ist un swerlich, wan daz mittil daz si hon, daz ist un
par119_21_ ein hindirnisse. dise lude habin ein sorclich lebin. alleine hait di beschedinheit
par119_22_ ubirhant genomen, doch ist un di sele geneigit zu minnine di dinc di Got nicht
par119_23_ insint. darum ist si zu flihine, di minne, di bescheidinheit inhalde si dan wider.
par119_24_ darum sint si in bekorungin. waz ir vilichkeit fornimit, daz reizit si zu der
par119_25_ minne. si musin stêin in grozir hude oder si vallin schire wider in den toit.
par119_26_ dise sehin Got clerliche mit mittile. di drittin sehint Got clerliche sundir mittil,
par119_27_ daz sint di dise minne gelôzin hon, dan nowe nemint si di notdurft des libes.
par119_28_ daz man sihit, daz hait mittil; daz da rurit, daz inhait kein mittil. wilt du
par119_29_ Got rurin, so salt du uber di nature tredin.
par119_30_     Zweigirhande wis so rurit man Got, nicht daz gotliche wesin. daz eine rurin
par119_31_ daz ist einvaldic, alse eine hant di anderin rurit; di hitze di di eine hant hâit,
par119_32_ di gemeinit si der anderin. alse tuit Got di un einvaldicliche ruren, und himide
par119_33_ cumen si zu der vrieheit uris geistis, di her Adam hatte in deme paradise. di
par119_34_ vrieheit soldin habin alle geistliche lude. darumme sprechin si di worheit sundir
par119_35_ vorchte. dise sint wordin gesunt. di anderin rurin Got mit eime smeclichin
par119_37_ rurine, also daz si werdin gezogin in ein licht, dar si sint einen mont, etliche
par119_38_ minnir oder me, daz si zu urre bescheidinheit nicht kunnen cumen, zu eime
par119_39_ Ave Maria. daz licht ist also verre pobin den geist alse der geist ist pobin
par120__1_ der nature. di wile du in disime lichte bist, so inweistu nicht; alse [98r] du
par120__2_ ez haist forlorin, so weistu wol. noch gebrichit dir, daz ist daz du mensche
par120__3_ bist. di alsus Got rurint smecliche, di sint wordin gesunt etc.


[Index] [Vorherige Predigt] [Nächste Predigt]
Autor:Niels GÜLBERG
e-mail: [email protected]
Last updated: 03.11.20